हिन्दु राज्य र राजसंस्था पुनर्स्थापना गर्ने उद्धेश्य सहित दुर्गा प्रसाईं र डा.धवलशम्शेर राणा बिच एकता ।

हिन्दु राज्य र राजसंस्था पुनर्स्थापना गर्ने उद्धेश्य सहित दुर्गा प्रसाईं र डा.धवलशम्शेर राणा बिच एकता ।
२०८३ जेठ ३१, आइतबार ।
आज आइतबार काठमाण्डौमा भएको एक कार्यक्रममा राष्ट्रिय प्रजातन्त्र पार्टी (राप्रपा) त्यागेर नयाँ पार्टीको गृहकार्यमा रहेका डा. धवलशम्शेर राणाले दुर्गा प्रसाईंसँग आफ्नो एकता हिन्दू राज्यसहित राजसंस्था पुनर्स्थापना नहुँदासम्म नटुट्ने बताएका छन् । नयाँ पार्टी गठन गर्न लागेका मेडिकल व्यवसायी तथा राष्ट्र, राष्ट्रियता, धर्म संस्कृति र नागरिक बचाउ महाभियानका संयोजक दुर्गा प्रसाईंले राष्ट्रिय प्रजातन्त्र पार्टी (राप्रपा) राजा र धर्म साट्ने पार्टी भएको आरोप लगाएका छन् ।
आइतबार काठमाडौँमा नयाँ पार्टी गठनको गृहकार्यबारे जानकारी दिन आयोजित पत्रकार सम्मेलनमा बोल्दै प्रसाईंले यस्तो आरोप लगाएका हुन् । उनले सत्य बोल्नेलाई अराजक भन्ने गरिएको भन्दै आफू सत्य बोल्न नडराउने समेत बताए । वर्तमान बालेन शाह नेतृत्वको सरकार र रास्वपा पनि धेरै नटिक्ने भन्दै प्रसाईंले कांग्रेस, एमाले, माओवादी र राप्रपा अब उठ्न नसक्ने समेत बताए। उनले राजेन्द्र लिङ्देन आइआरआईको सदस्य भएको आरोप लगाउँदै देशका धेरै नेताहरू गद्दार रहेको टिप्पणी समेत गरे। ‘आमा, छोरी र देश बेच्नेहरू अपराधी हुन् ।
उक्त कार्यक्रममा राप्रपा नेता धवल शमशेर राणाले बोल्दै भने, ‘गहन र सिरियस कुरामा धवलशमशेरले जे बोल्छ त्यही गर्छ भन्ने भाष्य छ । दुर्गा प्रसाईं र मेरो सहकार्य टुट्दैन । म दुर्गाजीको टिमलाई विश्वस्त पार्न चाहन्छु । मैले आफ्नो राजनीतिक जीवनमा धेरै धोका पाएको छु । तर आफैले कसैलाई धोका दिएको छैन । दुर्गाजीलाई पनि दिन्न ।’राणाले आफ्नो नेतृत्वको नयाँ पार्टीमा दुई तीन महिनाभित्रै मजबुत भएर जनताको माझमा जाने दावी गरे । सबै प्रदेश र सबै जिल्लामा कमिटी बनाउँदै गाउँपालिका र नगरपालिकासम्म फैलिने उनले बताए । मलमासका कारणले पार्टी घोषणामा अलिकति ढिलाइ भएको उनको भनाइ छ ।
राणाले आफ्नो पार्टी राप्रपाजस्तो व्यक्तिवादी नहुने प्रष्ट पारे । उनले भने, ‘हाम्रो पार्टीमा कुनै एक व्यक्तिको हैकमवाद चल्दैन । यो पार्टीमा सबै तहमा सबैको विचार सुनिन्छ र फरक विचारलाई लिपीबद्ध गरेर नोट अफ डिसेन्ट लेख्ने व्यवस्था मिलाइन्छ ।’ पार्टी अहिले स्थापना भइसक्थ्यो तर मलमास छ भनेर हो, मलमासपछि नाम, झण्डा, पार्टीको योजनालगायत आउनेछ।’