हानिनोक्सानी कोषले नेपाललाई (भोटेकोशी पिडितको पुनर्स्थापना)को लागी २० मिलियन अमेरिकी डलर (करिब ३ अर्ब) सहयोग गर्ने

हानिनोक्सानी कोषले नेपाललाई (भोटेकोशी पिडितको पुनर्स्थापना)को लागी २० मिलियन अमेरिकी डलर (करिब ३ अर्ब) सहयोग गर्ने
२०८३ कार्तिक ०६, शुक्रबार ।
भोटेकोशी–त्रिशूली क्षेत्रमा आएको विनाशकारी बाढीबाट प्रभावित समुदायको राहत, पुनर्स्थापना तथा पुनर्निर्माणका लागि हानिनोक्सानी कोष (फन्ड फर रेस्पोन्डिङ टु लस एन्ड ड्यामेज) ले नेपाललाई २० मिलियन अमेरिकी डलर ९करिब ३ अर्ब० सहयोग गर्ने निर्णय भएको छ ।
कृषि वन तथा पर्यावरण मन्त्री गिता चौधरी र अर्थमन्त्री डा. स्वर्णिम वाग्लेले भोटे कोशी–त्रिशुली क्षेत्रका वाढी प्रभावित समुदायलाई द्रुत गतिमा सहयोग गर्नका लागि गत अगस्त ३१ मा सो कोषलाई पत्र लेख्नुभएको थियो । बोर्डको बिहीबार )कार्तिक ५ गते) सन् २०२६ अक्टोबर २२ मा बसेको विशेष बैठकले करिब ३ अर्ब रकम दिने निर्णय गरेको छ ।
भोटेकोशी–त्रिशूली क्षेत्रमा गत भदौ १० गते आएको बाढी तथा पहिरोबाट ठूलो जनधनको क्षति भएको थियो। प्रारम्भिक विवरणअनुसार उक्त विपद्बाट करिब १५ हजार घरपरिवारका ६० हजारभन्दा बढी व्यक्ति प्रत्यक्ष प्रभावित भएका छन्। बाढीमा करिब एक हजार पाँच सय जनाले ज्यान गुमाएको र पाँच हजारभन्दा बढी व्यक्ति अझै बेपत्ता रहेको विवरण छ। नेपाल सरकारको अनुरोधपछि कोषका विकासशील तथा विकसित राष्ट्रहरूको प्रतिनिधित्व गर्ने बोर्ड सदस्य र वैकल्पिक सदस्यहरूबीच विभिन्न चरणमा छलफल भएको थियो। निरन्तरको छलफल, समन्वय र परामर्शपछि नेपाललाई सहयोग उपलब्ध गराउने निर्णय भएको हो।
यो निर्णय नेपालको लागि जति महत्त्वपूर्ण छ त्यो भन्दा बढी कोषको इतिहासमा नयाँ अध्यायको सुरुयात गर्न सफल भएको छ ।