सञ्चार तथा सूचना प्रविधि मन्त्रालयले दूरसञ्चार प्राधिकरणलाई नेपालमा दर्ता नभएका सोसल मिडिया बन्द गर्न पत्रचार ।

२०८२ भाद्र २०, शुक्रबार ।
सञ्चार तथा सूचना प्रविधि मन्त्रालयले मन्त्रालयमा सूचीकृत नभएका सम्पूर्ण सामाजिक सञ्जाल प्लेटफर्म क्रमशः निष्क्रिय बनाइने भएको छ । सञ्चार मन्त्रालयमा बिहीबार बसेकोमन्त्रीस्तरीय बैठकले दूरसञ्चार तथा इन्टरनेट सेवाको नियामक निकाय नेपाल दूरसञ्चार प्राधिकरणलाई निष्क्रिय बनाउन निर्देशन दिएको हो । सञ्चार तथा सूचना प्रविधि मन्त्रालयले नेपालमा सूचीकरण हुन नआएका सामाजिक सञ्जाल प्लेटफर्मलाई सूचीकरणका लागि बारम्बार सूचित गरेको थियो तर सम्बन्धित कम्पनीले अटेर गरेपछि मन्त्रीपरिषद्ले यस्तो निर्देशन दिएको हो । सर्वोच्च अदालतको आदेश र मन्त्रीपरिषद्को भदौ ९ गतेको निर्णय कार्यान्वयन गर्न परमादेश जारी भएपछि मन्त्रालयले यस्तो प्रव्रिmया थालेको हो । सरकारले पटक पटक सूचना जारी गरी जानकारी गराउँदा पनि प्लेटफर्मले अटेर गरेकाले बाध्य भएर निष्व्रिmय बनाउने अवस्था आएको सरकारका प्रवक्ता एवं सञ्चार तथा सूचना प्रविधिमन्त्री पृथ्वी सुब्बा गुरुङले बताउनुभयो । “हाम्रो उद्देश्य सामाजिक सञ्जाललाई सधैँ बन्द गर्ने होइन । उनीहरू सम्पर्कमा आउनासाथ पुनः नियमित हुने छ,” उहाँले भन्नुभयो, “सूचीकृत भइसकेका र प्रव्रिmयामा रहेका बन्द हुँदैनन्, निर्वाध रूपमा चल्छन् ।” सञ्चार मन्त्रालयका प्रवक्ता गजेन्द्रकुमार
ठकुरले हालसम्म टिकटक, भाइबर, विटक, निम्बज र पोपो लाइभ गरी पाँच वटा सामाजिक सञ्जाल सूचीकृत भएको जानकारी दिनुभयो । ती सामाजिक सञ्जालमध्ये टिकटक २०८१ साल असोज १६ गते, विटक २०८१ साल कात्तिक ८ गते, भाइबर २०८१ फागुन २४ गते, निम्बज २०८२ वैशाख २१ गते र पोपो लाइभ भर्खरै मात्रै दर्ता भएका हुन् । टेलिग्राम, ग्लोबल डाइरी र हाम्रो पात्रो सूचीकृत हुने प्रव्रिmयामा रहेको उहाँले बताउनुभयो । “मन्त्रालयले गरेको एक अध्ययन अनुसार नेपालमा हाल २५ वटा सामाजिक सञ्जाल प्लेटफर्म बढी सक्रिय रूपमा प्रयोग भएका छन् । कति वटा बन्द हुन्छ यकिन छैन,” उहाँले भन्नुभयो । सामाजिक सञ्जालले जातीय, धार्मिक, सांस्कृतिक सद्भाव बिगारेका कारण निष्क्रिय बनाउन नखोजिएको प्रवक्ता ठाकुरले जिकिर गर्नुभयो । नेपाल सरकारको ऐन कानुनलाई परिपालन गरेर सूचीकरण हुन नआएपछि निष्क्रिय बनाउने अवस्थामा पुगेको उहाँको भनाइ छ ।                                                      “कुनै पत्रिका वा अनलाइन दर्ता नगरी चलाउन सकिँदैन । कुनै पनि संस्था दर्ता नगरी सञ्चालन गर्न सकिँदैन । सामाजिक सञ्जाल सञ्चालकले विश्वभर दर्ता गरेर व्यापार गरिरहनुभएको छ भने नेपालमा पनि दर्ता हुनु पर्यो,” उहाँले भन्नुभयो, “नेपालमा चलाउँदा दर्ता गरेर चलाउनु पर्छ भन्ने मात्रै हो । हामीले सामाजिक सञ्जाल सञ्चालकलाई मन्त्रालय अन्तर्गत सूचीकृत हुन अनुरोध मात्रै गरेको हो । कुनै सम्पर्कविन्दुका रूपमा तोक्नुस् भनेका हौँ । नेपालमा कुनै कार्यालय वा अन्य कुनै प्रावधान राख्नु भनिएको छैन ।” सबै सामाजिक सञ्जाल कानुनबमोजिम सूचीकृत भए निर्वाध रूपमा सञ्चालन हुने उहाँले बताउनुभयो । यसैबिच सामाजिक सञ्जाल निष्क्रिय गर्ने निर्णय कार्यान्वयन गरिने भएसँगै फेसबुकको मातृसंस्था मेटाले सरकारको निर्णय कार्यान्वयन गर्नका लागि पत्राचार गरेको भन्ने विषय निराधार रहेको मन्त्रालयले जनाएको छ । सञ्चारमन्त्री गुरुङले बिहीबार साँझसम्म मेटा आधिकारि
यी हुन सूचीकृत भएका सञ्जाल
१. टिकटक, २.भाइबर, ३. निम्बज, ४. वीटक र ५. पोपोलाइभ
दर्ताको प्रक्रियामा रहेका सञ्जाल
१.टेलिग्राम र २. ग्लोबल लिंक
यी हुन सूचीकृत नभएका सञ्जाल
– फेसबुक – म्यासेन्जर – इन्स्टाग्राम – युट्युब –रम्बल –मि वी
– ह्वाट्सएप – ट्वीटर (एक्स) – इमो –लिंक्ड इन –स्न्याप च्याट –रेडिट
–डिस्कर्ड –पिन्ट्रेस्ट –सिग्नल –थ्रेड –वी च्याट –कोरा –सम्ब्लर –क्लब हाउस –मास्टो डन –मि भिके –लाइन –इमो –जालो –सोल –हाम्रो पात्रो                    स्रोत गोरखापत्र दैनिक