२०८२ कार्तिक २०, बिहिबारका मुख्य मुख्य खबरहरु ।
१.प्रधानमन्त्री कार्की र पूर्वराष्ट्रपति यादवबिच शिष्टाचार भेटवार्ता
प्रधानमन्त्री सुशीला कार्की र पूर्वराष्ट्रपति डा.रामवरण यादवबिच बुधबार शिष्टाचार भेटवार्ता भएको छ । प्रधानमन्त्री निवास बालुवाटारमा भएको भेटमा आगामी निर्वाचनको तयारी र राजनीतिक वातावरणका विषयमा चर्चा भएको थियो ।
प्रधानमन्त्रीको नियुक्ति असंवैधानिक भन्दै दायर रिटमा अन्तरिम आदेश दिन अस्वीकार
प्रधानमन्त्रीमा सुशीला कार्कीको नियुक्ति असंवैधानिक भएको भन्दै दायर रिटमा अन्तरिम आदेश दिन अस्वीकार गरेको छ ।
प्रधानन्यायाधीश प्रकाशमान सिंह राउतसहित न्यायाधीशहरू सपना प्रधान मल्ल, हरिप्रसाद फुयाँल, मनोजकुमार शर्मा र सारङ्गा सुवेदीसहितको संवैधानिक इजलासले प्रधानमन्त्री कार्कीको नियुक्तिको विषयमा राष्ट्रपति कार्यालयसहितको नाममा कारण देखाऊ आदेश जारी गरेको छ । साथै अन्तरिम आदेश दिनेरनदिने भन्ने विषयमा छलफलका लागि बोलाएको छ ।
२.रास्वपा सभापति रवि लामिछानेसँग ६ घण्टा बयान लिएर नख्खु कारागार फिर्ता पठाइएको छ ।
सबै कागजात मिलाउनुपर्ने र उनीसँग सम्बद्ध घटनाको संवेदनशीलताका कारण बयान लामो भएको शर्माले बताए ।
जेनजी आन्दोलनका क्रममा भदौ २४ गते रवि कारागारमुक्त भएपछि देशभरका कारागारबाट कैदी(बन्दी भाग्ने क्रम सुरु भएको थियो ।
आयोगले लामिछानेलाई उक्त घटनाका सम्पूर्ण प्रमाण सहित उपस्थित हुन भनेको थियो । उनले आफूसँग उपलब्ध प्रमाण पेश गरेको आयोग स्रोतले जनायो । ‘जेलबाट बाहिर जाने जति दोषी हुन्छन्, तिनलाई बाहिर पठाउने पनि उत्तिकै दोषी छ’ आयोग स्रोतले बतायो ।
३.जेनजी आन्दोलनको जाँचबुझ गर्ने आयोगले नेपाल प्रहरीका आईजीपी चन्द्रकुवेर खापुङसँग स्पष्टीकरण सोधेको छ ।
आन्दोलनमा खटिएका प्रहरीको विवरण दिन आनाकानी गरेका कारण उनीसँग स्पष्टीकरण सोधिएको आयोगका प्रवक्ता तथा पूर्वप्रहरी एआईजी विज्ञानराज शर्माले बताए । यद्यपि प्रहरीले बुधवार ढिलो गरी आन्दोलनमा खटिएका कर्मचारीको विवरण पठाएको छ । प्रवक्ता शर्माका अनुसार बिहीबार बिहानबाट सम्बद्ध प्रहरी कर्मचारीको बयान लिइने भएको छ ।
४. १० कम्युनिस्ट पार्टीबिच एकता
नेपाली कम्युनिस्ट पार्टीका संयोजक पुष्पकमल दाहाल प्रचण्डले आजको दिन नेपाली राजनीतिमा अहिले देखा परेका चुनौती संकट समाधान गर्नका लागि राष्ट्रिय एकताको आधार पार्ने असाधारण दिन भएको बताएका छन्। भृकुटीमण्डपमा आयोजित एकता सभालाई सम्बोधन गर्दै आजको दिन कसैले बिर्साएर अब इतिहासमा नबिर्सने बताए। उनले भने, ‘मलाई संयोजकको रूपमा १० घटकको ठुलो भारी, जिम्मेवारी दिनु भएको छ। मलाई विशेष हर्ष र गर्वको महसुस भएको छ।’
५.आइसीसी विश्वकप क्रिकेट लिग–२ अन्तर्गतको युएई सिरिज नेपालको खराब प्रर्दशन ।
नेपालले सिरिजका ४ वटै खेलमा हार बेहोर्न बाध्य भयो । लगातार चौथो खेलमा पराजित हुँदा नेपाल लिग–२ को शीर्ष चारमा रहँदै ओडिआई स्टाटस जोगाउने र विश्वकपको ग्लोबल क्वालिफायरमा प्रवेश गर्ने सम्भावनामा थप चुनौती थपिएको छ ।
६.अवैध काममा फसेका १४ नेपालीको उद्धार
म्यान्मारमा अवैधानिक कार्यमा लगाइएका १४ नेपाली नागरिकको नेपाल सरकारले उद्धार गरेको छ । अझै ११ नेपाली नागरिक म्यान्मारमा अवैद्य काममा फसेको फेला पारिएको छ । परराष्ट्र मन्त्रालयको पहलमा १४ नेपाली नागरिकको उद्धारपछि थाइल्यान्डको बैङ्ककस्थित नेपाली दूतावासले बुधबार नेपाल फिर्ता पठाएको छ । दूतावासका अनुसार विभिन्न प्रलोभनमा पारी म्यान्मारमा पु¥याई अवैद्य रूपमा सञ्चालन गरिएका अनलाइन स्क्यामिङको अवैद्य धन्दामा लगाइएकामध्ये १४ जनाको उद्धार यस पटक गरिएको हो । यसअघि पनि पटक पटक त्यस्ता काममा लगाइएका नागरिकको उद्धार गरिएको
थियो । म्यान्मार तथा थाइल्यान्डका सम्बन्धित निकायको समन्वय र सहयोगमा म्यान्मारको म्यावडी क्षेत्रबाट उद्धार गरी थाइल्यान्डको टाक प्रान्तको अध्यागमन कार्यालय मेसोट हुँदै थाइल्यान्ड पु¥याइएको दूतावासले जनाएको छ । त्यहाँबाट नेपाल एयरलाइन्सको उडानमार्फत बुधबार नेपाल फर्काइएको हो । त्यसै गरी म्यान्मारमा रहेका थप ११ नेपालीलाई यथाशीघ्र नेपाल फर्काउने गरी म्यान्मार तथा थाइल्यान्डका सम्बन्धित निकायसँग समन्वय भइरहेको पनि दूतावासले प्रस्ट पारेको छ । स्रोत गोरखापत्र दैनिक
७. ममदानीको विजयले विश्वभर नयाँ तरङ्ग ।
मेरिकाको न्युयोर्क सहरको मेयरमा जोहरान ममदानी निर्वाचित हुनुभएको छ । ३४ वर्षीय ममदानीको विजयले अमेरिकी राजनीतिमै नयाँ तरङ्ग ल्याएको छ । विश्वभर चर्चा चुलिएको छ । न्युयोर्कका लागि उहाँ पहिलो मुस्लिम र दक्षिण एसियाली मूलको मेयर बन्नुभएको छ । डेमोक्रेटिक उम्मेदवार ममदानीको विजयसँगै उहाँले एकसाथ तीन वटा इतिहास रच्नुभएको छ । पहिलो, ३४ वर्षका ममदानी न्युयोर्कको इतिहासमा सय वर्षभन्दा बढी समयपछि निर्वाचित सबभन्दा युवा मेयर हुनुहुन्छ । दोस्रो, उहाँ न्युयोर्कका पहिलो मुस्लिम मेयर बन्नुभयो र तेस्रो, उहाँ न्युयोर्कको मेयर बन्ने पहिलो दक्षिण एसियाली मूलका नागरिक हुनुहुन्छ । त्यस्तै रिपब्लिकन पार्टीबाट कर्टिस स्लिभा मेयरका उम्मेदवार बन्नुभएको थियो । उहाँले पराजय स्वीकार गर्दै ममदानीलाई शुभकामना दिनुभएको अन्तर्राष्ट्रिय समाचार संस्था एएफपीले जनाएको छ । “एउटा राजनीतिक वंशलाई उखेल्न हामी सफल भयौँ,” ममदानीले मञ्चबाट भन्नुभयो, “आज म जे छु, त्यो तपाईंहरूले बनाइदिनुभएको हो ।” ममदानीले राष्ट्रपति डोनाल्ड ट्रम्पमाथि कटाक्ष गर्दै भन्नुभयो, “जसले मलाई सफल बनाउन सक्छन्, उनीहरू नै मलाई पराजित गर्न पनि सक्छन् ।” ट्रम्पले चुनावअघि ममदानीलाई मत नदिन अपिल गर्नुभएको थियो । ममदानीले निःशुल्क बस सेवा, शिशु स्याहार केन्द्र र बढ्दो महँगी नियन्त्रणलगायत आफ्ना सबै चुनावी वाचा पूरा गर्ने प्रतिबद्धता दोहो¥याउनुभएको छ । न्युयोर्क अमेरिकाको राजनीतिक केन्द्र हो भने विश्वमै नाम लिइने मुख्य सहरसमेत हो । ममदानीको यो विजयले न्युयोर्कको राजनीतिक दिशा परिवर्तन गरेको मात्र नभई सन् २०२६ को मध्यावधि निर्वाचनअघि राष्ट्रपति डोनाल्ड ट्रम्पका लागि प्रारम्भिक चेतावनीका रूपमा समेत देखिएको छ । ममदानीको यो विजयी परिणामसँगै डेमोक्रेटिक पार्टीले भर्जिनिया र न्युजर्सीको गभर्नर चुनावमा पनि उल्लेखनीय सफलता हात पारेको छ । यी परिणामले ह्वाइट हाउसमा ट्रम्पको पुनरागमनपछि कमजोर भएको डेमोक्रेटहरूको मनोबल पुनः उच्च बनाएको छ भने रिपब्लिकनमा भने चिन्ताको घण्टी बजाएको बिबिसीले जनाएको छ । स्रोत गोरखापत्र दैनिक
