२०८२ असोज २५, शनिबार ।
१. सरकार र राजनीतिक दलहरु बिच संवाद सुरु
गत भदौ २३ र २४ गते भएको जेनजी आन्दोलनले राजनीतिक दलहरूको सत्ता ढलेपछि चुलिएका राजनीतिक संकट सुल्झाउन राष्ट्रपतिले पहलकदमी शुरु गरी हिजो राष्ट्रपति निवासमा सरकार र दलहरूबीच शीतल निवासमा सर्वदलीय बैठक भयो । उक्त बैठकमा विघटित प्रतिनिधि सभामा प्रतिनिधित्व गर्ने राजनीतिक दलका दोस्रो तहका निर्णायक नेताहरू सहभागी थिए ।
२. ४ डीआईजी बढुवाका लागि १६ प्रतिस्पर्धी, वरीयतामा को-को छन् दाबेदार
नेपाल प्रहरीमा हाल रिक्त चार र कात्तिकमा रिक्त हुने एक गरी पाँच डीआईजी दर्जा त रिक्त हुँदैछ । यसअघि चार डीआईजीलाई एआईजीमा बढुवा गर्दा अघिल्लो बढुवाको वरियता नमिचिएका कारण डीआईजी बढुवा पनि त्यसरी नै हुने प्रहरीबीच अनुमान छ ।
त्यसमा विश्व अधिकारी, भुपेन्द्रबहादुर खत्री, सानुराम भट्टराई, ओमप्रसाद अधिकारी, शेखर खनाल, अबिनारायण काफ्ले, सोमेन्द्रसिंह राठौर, मुकुन्द मरासिनी, दीपसमशेर जबरा, गोपालचन्द्र भट्टराई, प्रवीण पोखरेल, गंगा पन्त, कृष्णबहादुर पल्ली मगर, तारादेवी थापा, प्रज्वल महर्जन रहेका छन् । अहिले चार डीआईजीमात्र रिक्त रहेको, तर कात्तिक पहिलो साता बढुवा सिफारिस गर्दा थप एक डीआईजी रिक्त हुन्छन् । त्यसैले गृह मन्त्रालयले कात्तिक पहिलो सातामै उनीहरुको बढुवा सिफारिसको मनस्थिति बनाएको छ । कात्तिक १३ गते ३० वर्षे अवधि पूरा गरेर डीआईजी सञ्जीव शर्मा दास अवकाश हुँदैछन् । उनको अवकासभन्दा ७ दिनअघि उनको ठाउँका लागि अर्का डीआईजी सिफारिस हुनसक्छन् ।
३.जेन-जी आन्दोलनपछि पहिलोपटक सार्वजनिक भए रमेश लेखक, प्रधानमन्त्री र गृहमन्त्रीले गोली हान्न निर्देशन दिएका थिएनौ ।
पूर्वगृहमन्त्री रमेश लेखक जेन(जी आन्दोलनपछि आज पहिलोपटक सार्वजनिक भएका छन् । नेपाली कांग्रेसको पदाधिकारी बैठकपछि उनी आज पत्रकारमाझ ब्रिफिङका लागि उपस्थित भएर प्रधानमन्त्री र गृहमन्त्रीले गोली हान्न निर्देशन नदिएको जानकारी गर्नुभयो ।
४. जेनजीबाट मन्त्री थपिँदै सोमबार शपथको तयारी
प्रधानमन्त्री सुशीला कार्कीले जेनजी प्रतिनिधिहरूलाई समेटेर मन्त्रिपरिषद् विस्तार गर्ने तयारी अघि बढाएकी छिन् । जसमध्ये बब्लु गुप्ता, रामजी राम, टासी ल्हाजोम र गणपतिलाल श्रेष्ठको नाम चर्चामा रहेको छ । श्रेष्ठलाई संस्कृति, पर्यटन तथा नागरिक उड्ययन, गुप्ता युवा तथा खेलकुद मन्त्रालय, रामलाई स्वास्थ्य तथा जनसंख्या मन्त्रालय र टासीलाई महिला, बालबालिका तथा ज्येष्ठ नागरिक मन्त्रालयको जिम्मेवारी दिने तयारी गरिएको हो ।
५.ओमानमा जारी आईसीसी टी-२० विश्वकप एसिया तथा इस्ट एसिया पेसिफिक छनोटमा जापानलाीई ५ विकेटले पराजित गर्यो ।
ओमानमा जारी आईसीसी टी-२० विश्वकप एसिया तथा इस्ट एसिया पेसिफिक छनोटको सुपर सिक्स समीकरण पूरा भएको छ। अब सुपर सिक्सको तालिका यस प्रकार छ ।
नेपाल भर्सेस् यूएई – २६ असोज (४ः१५ बजे)
नेपाल भर्सेस् कतार – २७ असोज (८ः४५ बजे)
नेपाल भर्सेस् सामोआ – २९ असोज (८ः४५ बजे)
नेपाल भर्सेस् ओमान – ३० असोज (४ः१५ बजे)
६. हमासले पहिले चरणमा मुक्त इजरायली बन्धकहरूको नाम, नेपाली नागरीक विपिन जोशीको नाम नपरेकोले उहाको स्थिति अज्ञात रहेका छ ।
स्रोत द जेरुसेलम पोष्ट
