२०८२ बैशाक ०४ .
२०८० पौष २४ गते प्रहरीको केन्द्रीय अनुसन्धान ब्यूरो (सीआईबी)ले राम बहादुर बम्जनलाई पक्राउ गरी अनुसन्धानका लागी हिरासतमा लिएको थियो । अभियुक्त बम्जनलाई पक्राउ गर्न प्रहरीलाई लामो समय लागेको थियो । नै बम्जन करिब एक महिनाअघि ७ चैतमा कारागारबाट रिहा हुँदा एक महिनासम्म भने घटना गुपचुपमै रह्यो । कारागारबाट छुटेको एक महिना भए पनि बम्जनको गतिविधि भने सार्वजनिक रूपमा देखिएको छैन । प्रहरी अधिकारीहरू पनि अदालतले नै सफाइ दिएपछि उहाँको बारेमा बुझ्न नमिल्ने भएकाले यसबारे केही जानकारी नभएको बताउँछन् ।
२४ पुस २०८० मा पक्राउ परेका बम्जनलाई जिल्ला अदालत सर्लाहीले दोषी ठहर गरेको थियो । यौन सन्तुष्टि प्राप्त गर्ने तथा बाल यौन शोषणको कसुरमा बम्जनलाई १० असार २०८१ मा सर्लाही जिल्ला अदालतका न्यायाधीश जीवनकुमार भण्डारीको इजलासले दोषी ठहर गरेको थियो । त्यतिबेला उनलाई १० वर्ष कैद र ५ लाख रुपैयाँ जरिवानाको फैसला सुनाइएको थियो । उक्त फैसलाविरुद्ध उनी उच्च अदालत जनकपुर पुगेका थिए । उच्च अदालत जनकपुरकै न्यायाधीशद्वय नरिश्वर भण्डारी र खेमराज भट्टको ६ चैतको इजलासले बम्जनलाई सफाइ दिएको हो ।
उच्च अदालत जनकपुरले सफाइ दिँदा बम्जन भने सिन्धुपाल्चोक कारागारमा थिए । उनलाई करिब ८ महिनाअघि नै सरुवा गर्दै सिन्धुपाल्चोक कारागारमा पठाइएको जलेश्वरका कारागारका सूचना अधिकारी रविन ठाकुरले बताए । ७ चैत बिहान बमजमकी श्रीमती दीप शिखाले बम्जनलाई लगेको सिन्धुपाल्चोक कारागारका निमित्त कारागार प्रशासक निरजराम दमाई बताउँछन् । ‘अदालतले सफाइ दिएको कागजात लिएर उहाँकी श्रीमती ७ चैत बिहान कारागार आउनुभएको थियो । उहाँले नै बुझेर बम्जनलाई लानुभएको हो ।
