शिक्षा मन्त्रालय र शिक्षक महासंघबीच वार्ता जारी ।

२०८१ चैत २८, काठमाडौं ।
शिक्षक महासंघले २० चैतदेखि काठमाडौँ केन्द्रित आन्दोलन गर्दै आइरहेकोमा आज वार्तामा सहभागी भएका छन ।शिक्षा मन्त्रालयमा जारी वार्तामा शिक्षक महासंघबाट सहअध्यक्ष नानुमाया पराजुली नेतृत्वको टोली र सरकारको तर्फबाट शिक्षामन्त्री विद्या भट्टराई सहितको टोली सहभागी बिच वार्ता चलिरहेको छ ।
वार्ता, संवाद र आन्दोलन सँगसँगै अघि बढाउने भन्दै उनीहरूले माइतीघरदेखि बिजुली बजार पुलसम्मको सडक नै कब्जा गरेर आन्दोलन गरिरहेका छन् ।
यसअघि मुख्य लेनमा मात्रै प्रदर्शन गर्दै आइरहेका शिक्षकहरूले तीन वटै लेन कब्जा गरेर प्रदर्शन गर्न खोज्दा प्रहरीसँग धकेलाधकेलको अवस्था सिर्जना भएको थियो ।