१४ फागुन २०८१, काठमाडौं ।
१३ फागुन २०८१मा त्रिभुवन विश्वविद्यालयका शिक्षाध्यक्ष खड्ग केसीले एक विज्ञप्ति निकाली किट भएको समस्याको कारण स्वदेश फिर्ता हुन बाध्य नेपाली विद्यार्थीलाई भर्ना गर्न सकिने जनाएको छ । त्रिविले भारतको उडिसा राज्यको भुवनेश्वर स्थित किट मा श्रृजना भएको समस्याको कारणले स्वदेश फिर्ता हुन बाध्य भएका नेपाली विद्यार्थीहरूले त्रिविमा सञ्चालित कार्यक्रम र विषयमा अध्ययन गर्न चाहेमा क्रेडिट ट्रान्सफर नीति अनुरुप भर्ना गर्न सकिने सम्बन्धित सबैका लागि जानकारी गराइन्छ,’ विज्ञप्तिमा भनिएको छ । उनले नेपाली विद्यार्थीहरूले त्रिविमा सञ्चालित कार्यक्रम र विषयमा अध्ययन गर्न चाहेमा त्रिविको क्रेडिट ट्रान्सफर नीति अनुरुप भर्ना गर्न सकिने जनाएका छन् । पछिल्लो साता भारतको कलिंगा इन्स्टिच्यूट अफ इन्डस्ट्रियल टेक्नोलोजी (केआईआईटी) मा अध्ययनरत नेपाली विद्यार्थी प्रकृति लम्सालको रहस्यमय मृत्युको घटनापछि त्यहाँ अध्ययनरत नेपाली विद्यार्थीहरूमाथि क्याम्पस प्रशासनकै निर्देशनमा दुर्व्यवहार तथा कुटपिट भएको थियो ।
उनीहरूलाई होस्टलबाट निष्कासित गरी नेपाल फर्कन निर्देशनसमेत दिइएको थियो । त्यसपछि उक्त कलेजमा अध्ययन गर्ने सुरक्षित वातावरण नभएको भन्दै नेपाली विद्यार्थीे कलेज छाडेर स्वदेश फर्किएका छन् । चौतर्फी दबाबपछि किट प्रशासनले क्षमा माग्दै नेपाली विद्यार्थीलाई फर्कन पटकपटक आग्रह गरेको छ । तर, अधिकांश अझै भयमा छन् । उनीहरूको शैक्षिक भविष्य अन्योलमा रहेका बेला त्रिविले भर्ना गर्न सकिने जनाएको हो ।
