काठमाडौं – अभिनेत्री प्रियङ्का कार्की र बेनिशा हमाल अभिनीत म्युजिक भिडियो ‘तँई का ठमक’ सार्वजनिक भएको छ। पश्चिमेली शैलीको यस गीतको भिडियोमा प्रियङ्का र बेनिशासँगै गोविन्द भट्ट र बाबुल गिरीको अभिनय रहेको छ।
भट्ट यस गीतका गीतकार हुन्, भने गिरी सङ्गीतकार। गीतमा सङ्गीतकार गिरी र इब्सल सन्ज्यालको स्वर छ। भिडियो माइकल चन्दले निर्देशन गरेका हुन्। उत्सव दाहालको छायाङ्कन रहेको भिडियोमा शिलन लम्सालको सम्पादन छ।
