२०८२ असार २९, आइतबार ।
विसं १८७१ असार २९ गते तनहुँको चुँदीरम्घा गाउँमा जन्मिएका नेपाली साहित्यका आदिकवि भानुभक्त आचार्यको २१२औँ जन्मजयन्ती आज देश तथा विदेशका विभिन्न स्थानमा विविध कार्यक्रमको आयोजना गरी मनाइँदैछ । यसै क्रममा भानुभक्त आचार्यकै नाममा स्थापित भएको भानुभक्त मेमोरियल विद्यालय, पानीपोखरीमा प्रभातफेरी कार्यक्रम सम्पन्न भयो । उक्त प्रभातफेरी कार्यक्रम नेपाल स्टाउट भवन लैनचौरदेखि सयौ विद्यालर्यीहरुले विभिन्न पोशाकमा सजियर, भानुभक्त बनेर तथा रचनाहरु पाठ गर्दै विद्यालयसम्म भएको थियो । उक्त कार्यक्रमको प्रमुख अतिथिको रुपमा पूर्व आपूर्ति तथा वाणिज्य राज्य मन्त्रि राजेशकाज श्रेष्ठले गर्नुभएको थियो । प्रभातफेरी कार्यक्रम विद्यालयको प्राङ्गणमा रहेको राष्ट्रिय विभूति भानुभक्तको प्रतिमामा माल्यार्पण गरी समाप्त भएको थियो । भानुजयन्तीकै अवसरमा विद्यालयले विहान ११ बजेदेखी २ बजे सम्म रक्तदान तथा स्वास्थ्य शिविर समेत सञ्चालन भै रहेको े छ । र बेलुका ४ बजे एसइइ उत्र्तिण विद्यार्थीहरुलाई सम्मान गर्ने कार्यक्रम रहेको छ ।
उहाँले वधुशिक्षा, प्रश्नोत्तर, भक्तमाला, रामगीता, फूटकर रचनालगायत अन्य धेरै कृतिहरु लेखेका छन् । नेपाली जातीय एकता, राष्ट्रिय पहिचान र नेपाली सांस्कृतिक चेतना जगाउन र राष्ट्रिय संस्कृतिलाई बलियो बनाउनमा भानुभक्तको ऐतिहासिक योगदान छ । भानुभक्त ऐतिहासिक व्यक्ति भएकाले सम्पूर्ण नेपालीले उहाँको सम्मान गर्नुपर्ने हुन्छ । यसै गरी काठमाडौँको पानीपोखरी स्थित रहेको भानुभक्त मेमोरियल विद्यालयले पनि बिहान लैनचौर स्काउट भवनदेखि पानिपोखरीसम्म प्रभातफेरी कार्यक्रम गरी विद्यालयको प्राङ्गणमा रहेको राष्ट्रिय विभूति भानुभक्तको प्रतिमामा माल्यार्पण गर्ने कार्यक्रम रहेको छ ।
आदिकवि आचार्यले नेपाली भाषामा भावानुवाद गर्नुभएको रामायण पाठ गरी भानु जयन्ती मनाउँछन् । यस अवसरमा भाषा, साहित्य र संस्कृतिका क्षेत्रमा काम गर्ने संस्थाले आज विभिन्न कार्यक्रम गरी भानु जयन्ती मनाउँदै छन् । पृथ्वीनारायण शाहले भौगोलिक रूपमा एकीकरण गरेको नेपाललाई आदिकवि भानुभक्तले भाषा, साहित्य र संस्कृतिमार्फत एकीकरण गरेका हुन् । रामायण ग्रन्थले भाषिक क्षेत्रमा नयाँ युगनिर्माण गरेको मानिन्छ । आदिकवि आचार्यको निधन विसं १९२५ असोजमा भएको थियो । भानुभक्तको जन्मजयन्ती भारतको दार्जिलिङ, सिक्किम, भुटान, बर्मालगायत नेपाली भाषाभाषी धेरै रहेका देश एवं स्थानमा पनि मनाइन्छ ।
