देशकोखबरडटकम
१० चैत्र, २०८१ ।
राष्ट्रिय विज्ञापन संघ (नान) को दोस्रो वार्षिक साधारण सभा एवं प्रथम ऐतिहासिक अधिवेशनको सम्पूर्ण तयारी पुरा भएको छ । यही चैत्र १५ गते शुक्रबार काठमाडौंमा हुने दोस्रो साधारण सभा एवं प्रथम अधिवेशनको सम्पूर्ण तयारी पुरा गरेको संघका अध्यक्ष धर्मेन्द्र काजी श्रेष्ठले जानकारी दिए ।
संघको प्रथम साधारण सभा तथा अधिवेशनले आउँदो दुई बर्षे कार्यकालका लागि नयाँ कार्यसमिति समेत चयन गर्ने छ । त्यसका लागि संघले १० गते आईतबार देखि निर्वाचन प्रकृयाको सूचना समेत प्रकाशित गरेको छ । संघको केन्द्रीय कार्यालय त्रिपुरेश्वरमा प्रकाशित सूचना अनुसार चैत्र १० गते आईतबार बिहान १० बजे देखि दिउँसो ३ः१५ बजे सम्म मतदाता नामावली प्रकाशन, मतदाता नामावली उपर दावि विरोधरसंशोधन एवं मतदाता नामावली उपर दावि विरोध, जाँचबुझको समय दिईएको छ ।
त्यस्तै मतदाताको अन्तिम नामावली प्रकाशन भोलिपल्ट ११ गते १० बजेको समय तोकिएको छ । उम्मेदवारको मनोनयन दर्ता १३ गते १२ बजे देखि २ः३० बजे सम्मलाई तोकिएको छ भने उम्मेदवारको प्रथम नामावली प्रकाशन १३ गते ३ बजे र दावी विरोध संशोधनको समय सोहि दिनको ३ः१० देखि ३ः३०को समय तोकिएको निर्वाचन अधिकृत अधिवक्ता प्रदीप सत्यालले जानकारी दिए ।
उम्मेदवारको पुनः नामावली प्रकाशन १३ गते ३ः४० बजे रहेको छ भने उम्मेदवारी फिर्ताको समय सोहि दिन ३ः४५ देखि ४ः४५ बजे सम्मको समय दिईएको र उम्मेदवारको अन्तिम नामावली प्रकाशन सोहि दिन ५ बजे सम्मलाई तोकिएको छ । मतदान १५ गते बिहान उद्घाटन सत्र पश्च्यात हुने काठमाडौंको जमल स्थीत एल्लो प्यागोडा होटलमा गरी मिलाईएको छ ।
अधिवेशनबाट अध्यक्ष एक, प्रथम र द्वितिय गरी एक–एक उपाध्यक्ष, महासचिव एक, सचिव एक, कोषाध्यक्ष एक, सह–कोषाध्यक्ष एक तथा सदस्य ७ जना गरी जम्मा १४ सदस्यीय कार्यकमिति चयन हुने छ । देश भरिबाट झण्डै एक सय प्रतिनिधी सहभागि हुने अधिवेशन सम्पन्न गर्न विभिन्न समिति तथा उपसमिति गठन गरी व्यवस्थापन गरिएको संघका प्रथम उपाध्यक्ष प्रदीप कोईरालाले बताए ।
अधिवेशनमा आउँदा तथा अधिवेशनका समयमा पर्न सक्ने समस्याका बारेमा सोझै आफुलाई मोवाईल नं. ९८५१०५७०४३ मा सम्पर्क गर्न पनि प्रथम उपाध्यक्ष कोईरालाले प्रतिनिधीलाई आग्रह गरेका छन् ।
