पाकिस्तानको ब्रड पिक हिमपहिरोमा परी बेपत्ता भएका सबै आरोहीहरुको निधन ।
२०८३ साउन १६, शनिबार ।
पाकिस्तानमा रहेको ‘विश्वको १२ औँ अग्लो हिमाल, काराकोरम पर्वत(शृङ्खलामा अवस्थित ८,०५१ मिटर अग्लो ‘ब्रोड पिक’को आरोहण गर्ने क्रममा गत बिहीबार (१४ साउन) मध्याह्नतिर आएको हिमपहिरोमा वेपत्ता भएका ६ नेपाली सहित १० जना आरोहीहरुको दुःखद निधन भएको छ । उक्त आरोहण दलको नेतृत्व निर्मल पुर्जाले गरेका थिए । पुर्जा संस्थापक रहेको संस्था इलाइट एक्सपेडले उनको निधन भएको जानकारी सञ्जालमार्फत गराएको हो । विश्व कीर्तिमानधारी निर्मल पुर्जा (निम्स दाइ) सहित आरोहीहरूको दुस्खद निधनले स्तब्ध बनाएको छ । ज्यान गुमाउने नेपाली आरोहीमा निर्मल पुर्जा (निम्स दाइ), पुरबहादुर गुरुङ, निमा शेर्पा, किलीपेम्बा शेर्पा, ग्यालु शेर्पा र नवाङ थिन्डु शेर्पा रहेका छन् । त्यसैगरी, विदेशी आरोहीहरू सोहेल शाखी (पाकिस्तान), वाङ झोङ (चीन), नादिरा अहमद (ओमान), म्यालोरी गेइस (अमेरिका) छन् ।
प्रधानमन्त्री बालेन शाहले विश्व कीर्तिमानी पर्वतारोही निर्मल पुर्जा (निम्स दाइ) सहित अन्य आरोहीहरुको निधनप्रति दुःख व्यक्त।
पाकिस्तानको ८ हजार ५१ मिटर अग्लो ब्रड पिक आरोहणका निर्मल पुर्जासहित ६ नेपाली र चार विदेशी आरोहीको निधनप्रति दुःख व्यक्त गरेका हुन्। उनले भनेका छन्, ‘विश्वको १२औँ अग्लो हिमाल, पाकिस्तानको काराकोरम पर्वत–शृङ्खलामा अवस्थित ८,०५१ मिटर अग्लो ‘ ब्रड पिक’मा विश्व कीर्तिमानधारी निर्मल पुर्जा (निम्स दाइ) सहित छ जना नेपाली तथा अन्य चार विदेशी आरोहीहरूको दुःखद निधनले स्तब्ध बनाएको छ ।’
निर्मल पुर्जा लगायत सम्पूर्ण दिवङ्गत आरोहीहरूको भौतिक यात्रा मात्रै रोकिएको भएपनि उनीहरूको साहस, समर्पण र योगदानको इतिहास सधैँ प्रेरणायुक्त र जीवित रहिरहने उल्लेख गरेका छन्। उनले अगाडि भनेका छन्, ‘आरोहण केवल शिखर चुम्ने यात्रा होइन । यो साहस, अनुशासन, त्याग र मानवीय सीमालाई चुनौती दिने अदम्य आत्मविश्वासको सर्वोच्च अभिव्यक्ति हो । हिमालले धेरैलाई शिखरको गौरव दिन्छ, कहिलेकाहीँ आफ्नै काखमा सधैँका लागि अँगालेर पनि राख्छ । हिमाल आरोहीहरू आफ्नो साहस र समर्पणका कारण इतिहासमा सधैँ अमर रहने उल्लेख गरेका छन्।’
