२०८२ भाद्र ०३, मंगबार ।
भृकुटीमण्डपमा आज भदौ ३ देखि ८ गतेसम्म चल्ने नेपाल अटोमोबाइल्स डिलर्स एसोसिएसन (नाडा) अटो शोको १७औं संस्करणमा प्रदर्शनीमा विभिन्न मोडलका सवारी साधन सँगसँगै नेपालमा पहिलोपटक ल्याइएको उड्ने ट्याक्सी विशेष आकर्षण हुनेछ। चिनियाँ अटोमोबाइल कम्पनी चांगानले अर्को चिनियाँ कम्पनी इ–हानको प्राविधिक सहयोगमा निर्माण गरेको त्यही उड्ने ट्याक्सी काठमाडौं आइपुगेको छ। उक्त ट्याक्सी अत्याधुनिक प्रविधियुक्त यो ट्याक्सी एमएडब्लू वृद्धि अटोवर्क कम्पनीले नेपाल ल्याएको हो।
बिजुलीबाट चल्ने र आफै उडान भर्ने क्षमता भएको यो हवाई ट्याक्सीको नाम ुइलेक्ट्रिक–भर्टिकली टेक अफ एन्ड ल्यान्डिङ (इ–भिटिओएल) हो। नामबाटै बुझिन्छ, यसलाई उडान भर्न धावन मार्ग चाहिँदैन। यसले हेलिकप्टरझैं जमिनबाट ९० डिग्रीमा सिधै माथि उडान भर्छ र त्यसरी नै सिधै तल अवतरण गर्छ।
