नेपाली क्रिकेट : एसीसी पुरुष प्रिमियर कपको उपाधी जित्दै सन २०२७ जुनमा बंगलादेशमा हुने एसिया कपका लागी छनौट ।
२०८३ भाद्र २७, शनिबार ।
आज बिहान मलेसियाको वायुमास ओभलमा भएको नेपाल र यूएईको एसीसी पुरुष प्रिमियर कपको उपाधिको लागी भएको खेलमा ४४ रनले हराउदै एसिया कपमा फर्किएको छ । त्यस खेल पश्चात नेपालले सन् २०२७ को एसिया कपमा स्थान सुरक्षित गर्यो । पहिलो संस्करणमा जस्तै फाइनलमा यूएईलाई नै पराजित गर्दै नेपालले एसोसियट क्रिकेटको सबैभन्दा ठूलो ढोका फेरि खोल्न सफल भएको छ ।
यूएई अपराजित रूपमा फाइनल पुगेको टोली थियो । नेपाल भने समूह चरणको अन्तिम खेलमा हङकङसँग पराजित भएपछि दबाबमा परेको थियो । तर कप्तान सन्दीप लामिछानेले भनेजस्तै, त्यो एउटा खेलबाहेक प्रतियोगिताभर नेपालले उत्कृष्ट क्रिकेट खेल्यो । ‘हामीले राम्रो खेल्यौं । हङकङसँग मात्रै नजिक पुगेर चुक्यौं, त्यसबाहेक सबै खेलाडीले शानदार प्रदर्शन गरे’ सन्दीपले उपाधिपछि भने, ‘यो यात्रा सहज पक्कै थिएन, सम्पूर्ण समर्थकहरूको साथले गर्दा ी फेरअर्को उपलब्धि हासिल गर्न सफल भएका छौं ।’
सन्दीप प्रतियोगिताको सर्वोत्कृष्ट खेलाडी पनि घोषित भए । उनले ट्रफी सहित आफ्नो अवार्ड नेपालका बाढीपीडितलाई समर्पित गरे । ‘म नेपालको बाढीबाट ज्यान गुमाउने सबैजनालाई सम्झिरहेको छु, भावुक भइरहेको छु । सबैप्रति हार्दिक श्रद्धाञ्जली। यो जित सबै तपाईंहरूलाई समर्पित गर्दै मलेसियामा उपस्थित नेपाली समर्थकप्रति पनि विशेष धन्यवाद व्यक्त गरे।
फाइनलको कथा स् आसिफको शतक, गुल्शनको अर्धशतक
टस जितेर नेपालले पहिले ब्याटिङ रोज्यो र त्यसको सुरुआत पनि योजनाअनुसार भयो । ओपनर आसिफ शेख र अर्जुन कुमाल ४३ रनमा रनआउट भएपछि आसिफले जिम्मेवारी सम्हाल्दै शानदार शतक पूरा गरे । ओडीआई करियरको दोस्रो शतक बनाएर आसिफ आउट भएपछि गुल्शन झाले आक्रामक अर्धशतक बनाए । रोहित पौडेलले ४० रन तथा अन्त्यमा बसिर अहमदले ४ बलमा अविजित १४ रनको क्यामिओ इनिङ खेलेएपछि नेपालले ३०० रनको आँकडा पार गर्दै ३१३ रनको बलियो योगफल खडा गरेको थियो ।
बलिङमा नेपालले सुरुवाती सफलता पाउन केही कुर्नुपरेको थियो । यूएईका ओपनरमध्ये एक तनिश सुरीले लगातार आक्रामक शट खेलिरहेका थिए । नेपालले अर्का ओपनर अदीब उसमानीको विकेट प्राप्त गर्दा यूएईले पाँचौं ओभरमा ४५ रन बनाएको थियो । त्यसपछि आएका अक्षदीप नाथ सन्दीपको शर्ट बलमा फसे भने तनिश करण केसीको बलमा डिप स्क्वायर लेगमा छक्काको प्रयासमा क्याचआउट भएपछि यूएई ५६.३ को अवस्थामा पुगेको थियो । त्यहाँबाट राहुल चोपरा र कप्तान हरप्रित भाटियाले ४७ रनको साझेदारी बनाए ।
रोहित पौडेलको बलमा हरप्रित कभरमा क्याचआउट हुँदा यूएईको स्कोर १०३.४ भएको थियो । त्यसपछि आयान अफजल खान गुल्शन झाको बलमा ठूलो शटको प्रयासमा लङअनमा क्याच आउट हुँदा यूएई २३औं ओभरमा ११९.५ को स्थितिमा थियो । त्यसपछि भने खेल रोचक बन्दै गयो । शोहेब खानले राहुल चोपरासँग मिलेर राम्रो साझेदारी बनाएपछि यूएई संयमित बनेर लक्ष्यतर्फ अघि बढेको थियो । दुवैले अर्धशतक बनाएर खेलिरहेका थिए र साझेदारी ८३ रनको भइसकेको थियो ।
३९औं ओभरमा शोहेब ललितलाई ठूलो शट प्रहार गर्ने क्रममा मिसटाइम हुँदा ५२ रनमा क्याचआउट भए । त्यसपछि आएका खुजाइमा बिन तनभिरले पनि केहीबेर राम्रो शटहरू खेलिरहेका थिए र राहुललाई साथ दिइरहेका थिए । यूएई ४५ ओभरमा २४८.६ को अवस्थामा थियो जब ३० बलमा ५७ रन आवश्यक थियो । खुजाइमा दीपेन्द्रको बलमा बोल्ड भए भने त्यसपछि इबरार अहमद र हैदर अली पनि करण केसीको बलमा क्याचआउट भएपछि नेपालले खेल जित्ने पक्का देखिएको थियो । त्यसबेला राहुल ह्यामस्ट्रिङको समस्या झेलिरहेका थिए । एक समय उनले सन्दीपलाई शानदार छक्का प्रहार गरेपछि पिचमै लडेका थिए । उनलाई अर्कोतर्फबाट पर्याप्त साथ भने पुगेन । उनी १०० रन बनाएर अविजित रहेपनि नेपालले खेल जित्यो । अब सन् २०२७ को जुनमा बंगलादेशमा हुने एसिया कपमा नेपाल फेरि एकपटक सहभागी हुने छ । प्रतियोगिताको अन्य विवरण भने टुङ्गो लाग्न बाँकी छ ।
नेपालले सन् २०२३ को ओडीआई एसिया कपमा भारत र पाकिस्तानसँग समूह चरणमै प्रतिस्पर्धा गरेको थियो । दुवै खेलमा पराजय भोगेको भएपनि नेपाली क्रिकेटको स्तरबारे त्यसबेला एसिया मात्र नभएर विश्वका धेरै दर्शकले देखेका थिए । ‘यो यात्रा सहज पक्कै थिएन, सम्पूर्ण समर्थकहरूको साथले गर्दा फेरि अर्को उपलब्धि हासिल गर्न सफल भएका छौं ।’
