सहिद र घाइतेका परिवारलाई आजसम्म किन सम्बोधन हुन नसकेको भन्दै संसदमा प्रश्न ।
२०८३ भाद्र २४, बुधबार
आज बसेको प्रतिनिधि सभाको बैठकमा राष्ट्रिय स्वतन्त्र पार्टीकी सांसद तथा जेनजी आन्दोलनका सहिद रसिक खतिवडाकी आमा रचना खतिवडाले प्रधानमन्त्री बालेन शाहलाई सहिदले कहिले न्याय पाउँछन् ? सहिद र घाइतेका परिवारलाई भेट्न कति समय लाग्छ ्? भन्दै प्रश्न गरेकी छन।
‘जेनजी आन्दोलन भएको १ वर्ष भयो। देशले सहिद पायो, एक दिन बिदा पायो। निमन्त्रणा दिएर कि त आइदिनुस्, केही त केही बोलिदिनुस् जेनजी सहिदका नाममा केही लेखिदिनुस् भनेर बिहान ७ बजेदेखि भन्दाभन्दा बेलुकी ७ बजे स्टाटस त आयो, अन्तमा एक वर्षपछि सहिदलाई श्रद्धाञ्जली,’ प्रधानमन्त्री शाहलाई लक्ष्य गर्दै उनले भनिन्। साथै उनले थप प्रश्न गरिन्, ‘अब म यो सरकारलाई दुई वटा प्रश्न सोध्न चाहन्छु( सहिदले न्याय कति वर्षमा पाउँछ सरकार? सहिद परिवार र घाइते परिवारलाई भेट्न अब कति वर्ष लाग्छ? यस पनि के देखाउछ भने सहिद, घाइते, तथा उहाँका परिवारहरुले त एक वर्षसम्म न्याय पाएका छैनन भने अरु सर्वसाधारण जनताले कहिले न्याय पाउने?
