राष्ट्रपति पौडेल र रास्वपा सभापति लामिछानेको भेट ।
२०८३ भाद्र १५, मंगलबार ।
हिजो सोमबार भदौ १५ गते राष्ट्रपति रामचन्द्र पौडेल र प्रधानमन्त्री वालेन्द्र शाहसँग राष्ट्रिय स्वतन्त्र पार्टी (रास्वपा) का सभापति रवि लामिछानेले सोमबार छुट्टाछुट्टै भेटवार्ता गरी रसुवाको भोटेकोशी नदीमा आएको बाढीबाट प्रभावित क्षेत्रको पछिल्लो अवस्था तथा खोज, उद्धार, राहत र पुनस्र्थापनाका प्रयासबारे छलफल गर्नुभएको छ । सभापति लामिछानेले राष्ट्रपति पौडेलसँगको भेटमा भोटेकोशी हुँदै त्रिशूली नदीमा आएको बाढीबाट भएको मानवीय तथा भौतिक क्षति र प्रभावित क्षेत्रमा भइरहेको खोज तथा उद्धार, राहत वितरणलगायतका गतिविधिबारे जानकारी गराउनुभएको रास्वपाका प्रवक्ता जगदीश खरेलले बताउनुभयो ।
प्रवक्ता खरेलका अनुसार भेटका क्रममा सभापति लामिछानेले विपत् प्रभावित क्षेत्रमा खोज तथा उद्धार र राहत व्यवस्थापनका लागि राज्यका सबै संयन्त्र पूर्ण क्षमतासाथ परिचालन गरिएको जानकारी राष्ट्रपतिलाई गराउनुभएको छ । भेटमा बाढी प्रभावित नागरिकको उद्धार, राहत व्यवस्थापन तथा प्रभावित क्षेत्रको अवस्थाका विषयमा समेत छलफल भएको जनाइएको छ । यसैबिच सिंहदरबारस्थित प्रधानमन्त्री तथा मन्त्रीपरिषद्को कार्यालयमा प्रधानमन्त्री शाहसँग सभापति लामिछानेले भेटवार्ता गर्नुभएको छ । भेटका व्रmममा उहाँहरूबिच भोटेकोशी नदीमा आएको बाढीबाट भएको मानवीय तथा भौतिक क्षति, प्रभावित क्षेत्रको अवस्था र सरकारले सञ्चालन गरिरहेको खोज, उद्धार तथा राहतका गतिविधिबारे छलफल भएको छ । सभापति लामिछानेको सचिवालयका अनुसार भेटमा प्रधानमन्त्री शाहले विपत् प्रभावित नागरिकको जिउधनको सुरक्षा, खोज तथा उद्धार र राहतलाई प्राथमिकतामा राखेर सरकारी संयन्त्र पूर्ण रूपमा परिचालन गरिएको बताउनुभएको छ । भेटमा उहाँहरूबिच प्रभावित नागरिकको तत्काल उद्धार तथा राहतसँगै बेपत्ता व्यक्तिको खोजी र क्षतिग्रस्त संरचनाको व्यवस्थापनका विषयमा छलफल भएको छ ।
हिजो सोमबार राष्ट्रपति पौडेल र रास्वपा सभापति लामिछानेको भेट ।
2 Mins Read
