बाढी पिडितहरुको उपचारकालागी वीर, टिचिङ र ट्रमाले सक्रिय गर्‍यो आपतकालीन संयन्त्र । आपतकालीन नम्बरहरु

बाढी पिडितहरुको उपचारकालागी वीर, टिचिङ र ट्रमाले सक्रिय गर्‍यो आपतकालीन संयन्त्र । र आपतकालीन नम्बरहरु
२०८३ भाद्र १०, बुधबार ।
रसुवामा आएको भीषण बाढीका कारण रसुव, नुवाकोट, धादिङ लगाएतका जिल्लाहरुमा व्यापक क्षती पुगेको छ । सरकारले उद्धार कार्यलाई सक्रियताका साथ अगाडी बढाएको छ ।
यसै क्रममा स्वास्थ्य मन्त्रालयले प्रभावित क्षेत्रका स्वास्थ्यकर्मी र स्वास्थ्य संस्थालाई सतर्क अवस्थामा राख्दै घाइतेको उपचार तथा आवश्यक परेमा तत्काल काठमाडौ रिफर गर्ने व्यवस्था मिलाइएको बताएको छ। मन्त्रालयले वीर अस्पताल, ट्रमा सेन्टर तथा त्रिभुवन विश्वविद्यालय शिक्षण अस्पताल सहितका प्रमुख हब अस्पताललाई सम्भावित गम्भीर घाइतेको उपचारका लागि तयारी अवस्थामा राखेको जनाएको छ।
स्वास्थ्य मन्त्रालयका प्रवक्ता डा. समीर अधिकारीका अनुसार बाढीको सूचना पाएलगत्तै मन्त्रालय बिहानदेखि नै सतर्क अवस्थामा छ। प्रभावित क्षेत्रमा रहेका स्वास्थ्य संस्था तथा स्वास्थ्यकर्मीलाई तयारी अवस्थामा रहन जानकारी गराइएको छ भने स्वास्थ्य मन्त्रालय अन्तर्गतको हेल्थ इमर्जेन्सी अपरेसन सेन्टरसमेत सक्रिय पारिएको जानकारी दिनुभयो ।