स्थानीय विक्रेतामार्फत नै ग्यास बिक्री वितरण गर्न शुरु ।
२०८३ भदौ ०१,सोमबार (नागे पञ्चमी)
विभिन्न स्थानमा बिक्री केन्द्र तोकेर उद्योगबाट ग्यास बिक्री हुुन थालेपछि ग्यास विक्रेता महासङ्घले नेपालले स्थानीय विक्रेतामार्फत वितरण गर्न माग गरेको छ । महासङ्घले आइतबार विज्ञप्ति जारी गरी मुलुकभर एलपी ग्यासको चरम अभाव भइरहेका बेला उद्योग र बिक्री केन्द्रबाट भइरहेको ग्यासको बिक्री तत्काल रोक गरी विक्रेतामार्फत वितरण गर्न सरकारसँग माग गरेको हो । स्थानीय विक्रेतामार्फत ग्यास वितरण गर्दा उपभोक्तालाई सहज हुने भएकाले जतिसक्दो सो व्यवस्था मिलाउन महासङ्घले अनुुरोध गरेको हो । जिल्ला प्रशासन कार्यालय काठमाडौँ र नेपाल आयल निगमको समन्वयमा उद्योगले शनिबार विभिन्न पाँच ठाउँ र आइतबार सात ठाउँबाट ग्यास वितरण गरेका थिए । महासङ्घका अध्यक्ष ज्ञानेश्वर अर्यालले स्थानीय डिपोबाट ग्यास वितरण गर्दा उपभोक्तालाई सहज हुने हुुँदा उद्योगबाट हुने वितरणको कार्य बन्द गर्नुुपर्ने बताउनुुभयो ।
प्रभावकारी वितरण च्यानललाई पन्छाएर उद्योगले आफैँ ग्यास बेच्ने सरकारको निर्णयले उपभोक्ताले दुुःख खेप्नुु परेको उहाँको भनाइ छ । ग्यास विक्रेता/डिलरमार्फत ग्यास वितरण गर्दा उपभोक्ताले घरनजिकैबाट ग्यास पाउने र बिक्री केन्द्रबाट ग्यास वितरण गर्दा टाढाका उपभोक्तालाई थप समस्या परेको अर्यालले भनाइ छ । महासङ्घका अनुसार चार महिनामा करिब ६० हजार मेट्रिकटन कम आयात भएको, ग्यासको वितरण च्यानल विक्रेतातामार्फत ग्यास बिक्री नगरी ग्यास उद्योग र विभिन्न बिक्री केन्द्रमार्फत ग्यास बेच्ने निर्णयले ग्यासको अभाव थप जटिल बन्दै हो । बजारमा चाहिनेभन्दा बढी सङ्ख्यामा सिलिन्डर वितरण भएको र नयाँ सिलिन्डर बिक्री नरोकिएकाले आगामी दिनमा समस्या थप जटिल बनेर आउने महासङ्घले जनाएको छ ।
सरकार, उद्योग र बिक्री केन्द्रका नामबाट आफँै ग्यास बेच्ने अनि अनुगमनका नाममा आम विक्रेतालाई अनावश्यक दुःख दिने सरकारी रवैया रहेको आरोप लगाउँदै त्यसप्रति महासङ्घले आपत्ति प्रकट गरेको छ । यसैबिच नेपाल आयल निगमका अनुसार शनिबारसम्म ५४ हजार ५०५ मेट्रिक टन ग्यास आयात भएको छ । सो अवधिमा ३८ लाख ३८ हजार ४१० सिलिन्डर बजारमा वितरण भएको छ । बजारमा ग्यासको अभाव भने अझै कम हुुन सकेको छैन । ग्यास नपाउँदा उपभोक्ताले दुुई सातादेखि अभाव खेप्नुु परेको छ । सामान्य अवस्थामा ४५ हजार मेट्रिक टनदेखि ४६ हजार मेट्रिक टन माग रहेकोमा आधा तौलबाट पूर्ण तौलमा जाँदा बजारमा ग्यासको माग ह्वात्तै बढ्न गएको निगमको भनाइ छ । बजारमा देखिएको ग्यासको अभाव कम गर्र्र्न तीन महिनाका लागि ६० हजार मेट्रिक टनका दरले ग्यासको आयात गर्न परराष्ट्र मन्त्रालयमार्फत भारतलाई पत्राचार गरिएको उद्योग वाणिज्य तथा आपूर्ति मन्त्रालयले जनाएको छ । पश्चिम एसियाली मुलुकमा भएको युुद्धको असरले गर्दा बजारमा ग्यासको अभाव भएको हो । गत २८ फागुुनदेखि आधा तौलको सिलिन्डर
वितरण गर्दै आएकोमा एक महिनाअघिदेखि पूर्ण तौलको सिलिन्डर वितरण खुुला गरिएको थियो । मन्त्रालयले एक सूचना प्रकाशित गर्दै आजबाट डिलरहरुबाटनै ग्यास बिक्री वितरण गर्ने भएको छ ।
