रास्वपाको केन्द्रीय सदस्य निर्वाचनमा ४३११ प्रतिनिधिमध्ये प्रवासका बाहेक २ हजार ९५९ अर्थात (६८.६ %) मत खसे।
२०८३ असार ११, बिहिबार ।
राष्ट्रिय स्वतन्त्र पार्टी (रास्वपा) को केन्द्रीय सदस्य निर्वाचनमा २ हजार ९५९ मत खसेको छ । रास्वपा निर्वाचन आयोगले बिहीबार केन्द्रीय सदस्य चयनका लागि मतदान सम्पन्न भएसँगै यसबारे जानकारी गराएका हो । अब एप मार्फत प्रवासका प्रतिनिधिहरुले मतदान गर्नेछन् । त्यसपछि मतपरिणाम घोषणा हुने समितिले जनाएको छ। निर्वाचनमा ३७९ जना केन्द्रीय सदस्यको उम्मेदवार रहेका छन् । जसमध्येबाट ९९ जना निर्वाचित हुनेछन् ।
रास्वपा महाधिवेशन- दोस्रो चरणमा चुनाव हुने पदहरु ।
प्रवक्ता मनिष झाका अनुसार ४ बजेबाट दोस्रो चरणको निर्वाचन थाल्नेगरी आयोगले काम गरिरहेको छ। रास्वपाको सभापतिमा रवि लामिछाने र वरिष्ठ नेतामा प्रधानमन्त्री समेत रहेका बालेन शाह सर्वसम्मत भइसकेका छन्।
१. उपसभापति —२
२. महामन्त्री —१
३. सहमहामन्त्री —३
—१९ सदस्यीय पदाधिकारी रहेको रास्वपामा ३ उपसभापतिमध्ये १ जना मनोनीत गर्ने व्यवस्था छ । यस्तै, २ महामन्त्रीमध्ये १ जना, ५ सहमहामन्त्रीमध्ये २ जना मनोनीत हुने व्यवस्था रास्वपाको विधानले गरेको छ।
