सम्पत्ति छानबिन आयोगले सम्पत्ति विवरण बुझाउन थप्यो एक महिना समय ।
२०८३ जेठ २८, बिहिबार ।
वैशाख २ गते प्रधानमन्त्री वालेन्द्र शाहले सर्वोच्च अदालतका पूर्वन्यायाधीश राजेन्द्रकुमार भण्डारीको अध्यक्षतामा पूर्वमुख्यन्यायाधीश पुरुषोत्तम पराजुली, उच्च अदालतका पूर्वन्यायाधीश चण्डीराज ढकाल, पूर्वप्रहरी नायब महानिरीक्षक गणेश केसी र चार्टर्ड एकाउन्टेन्ट प्रकाश लम्साल रहेको पाँच सदस्यीय सम्पत्ति छानबिन आयोग गठन गरेका थिए। केशरमहलमा कार्यालय स्थापना गरेर आयोगले वैशाख ९ गतेदेखि काम थालेको थियो । सम्पत्ति छानबिन आयोगले मिति २०८३ बैशाख ३० गते २ वटा सूचना प्रकाशन गरी एक महिना भित्र नेपाल सरकारबाट पहिलो चरणमा आ.व. २०६२०६३ देखि आ.व. २०८२.०८३ अवधिमा सार्वजनिक पदधारण गरेका र उक्त अबधिमा वहाल रही हाल जुनसुकै किसिमले सेवाबाट अवकाश भईसकेका राजनीतिक पदाधिकारी, कर्मचारी तथा निजहरुका परिवार समेतका नाममा स्वदेश तथा विदेशमा रहेको सम्पत्ति विवरण संकलन र छानविन गरी गठन भएको सम्पत्ति छानबिन आयोगले शुरुमा एक महिनाको समय दिई सम्पत्ति विवरण बुझाउन सूचना निकालेको थियो । उक्त समयमा उल्लेख्य सम्पति विवरण बुझाइसके पनि उक्त डाटा प्रयाप्त नभएकोले वा अझै समय अपुग भएको हुनाले समय एक महिना थप गरी असार मसान्तसम्म पुर्याइएको छ। तर तोकिएको समयमा भनेजस्तो विवरण नभरिएपछि आयोगले असार मसान्तसम्म म्याद थप गरेको आयोगका सदस्य एवं प्रवक्ता गणेश केसीले जानकारी दिए। ‘हामीले अहिले केहिबेर अघि सम्पत्ति विवरण बुझाउने म्याद अन्तिम पटकका लागि थपेर असार मसान्त पुर्याएका छौँ,’ केसीले भने ।
सम्पत्ति छानबिन आयोगले सम्पत्ति विवरण बुझाउन थप्यो एक महिना समय ।
2 Mins Read
