मलेसियाले नेपालबाट २५ वटा म्यानपावर कम्पनीबाट मात्रै श्रमिक लैजाने निर्णयपछि विरोध उत्पन्न ।

मलेसियाले नेपालबाट २५ वटा म्यानपावर कम्पनीबाट मात्रै श्रमिक लैजाने निर्णयपछि विरोध उत्पन्न ।
२०८३ भाद्र ०८, सोमबार ।
नेपालीहरुका लागी श्रम गन्तव्यको रुपमा रहदै आएको मलेसियाले नेपाल सहित १० स्रोत मुलुकहरूबाट श्रमिक लैजाने गरी म्यानपावर कम्पनीहरू सूचीकृत गरेको छ । नेपाली श्रमिकहरूको आकर्षक गन्तव्य मुलुक मध्येको एक मलेसियाले नेपालबाट २५ वटा म्यानपावर कम्पनीहरू मार्फत मात्रै श्रमिक लैजाने भएको छ । मलेसियाको आप्रवासी श्रमिक केन्द्रिकृत व्यवस्थापन प्रणाली (एफडब्लुसिएमएस)मा सूचीकृत गरेर ती सूचीकृत म्यानपावरबाट मात्रै श्रमिक लैजाने भएको छ । उक्त प्रणालीमा मलेसियाले नेपालसहित बंगलादेश, श्रीलंका, म्यानमार, पाकिस्तान, थाइल्याण्ड, कम्बोडिया, भियतनाम, भारत र फिलिपिन्सका म्यानपावर सूचीकृत गरेको छ ।
यी हुन् नेपालबाट सूचीकृत म्यानपावरहरू ः
१. फ्रन्टलाइन रिक्रुटमेन्ट प्रालि
२. लाल धनुष इन्टरनेसनल सर्भिस
३. नेपाल प्लेसमेन्ट एजेन्सी प्रालि
४. द रिभर ओभरसिज प्रालि
५. एसिया लिंक सर्भिसेज प्रालि
६. मोन्टाज ओभरसिज प्रालि
७. नेपाल एचआर सोलुसन प्रालि
८. स्काई पावर इन्टरनेसनल सर्भिसेज
९. ट्रस्ट नेपाल ओभरसिज प्रालि
१०. एक्सेस पार्टनर्स प्रालि
११ ह्वाइट हर्स इन्टरनेसनल प्रालि
१२. ट्रान्स एसिया इन्टिग्रेट सर्भिसेज प्रालि
१३. बिएम. ओभरसिज प्रालि
१४. इन्डो अरब म्यानपावर प्रालि
१५. समयोग ओभरसिज प्रालि
१६ ट्यालेन्ट ओभरसिज सर्भिसेज प्रालि
१७. वाइड स्पेस इन्टरनेसनल
१८. खोजी रिक्रुटमेन्ट सर्भिसेज प्रालि
१९. ए.एन.एस. एसोसिएट्स प्रालि
२०. अल–हयात म्यानेजमेन्ट सिस्टम प्रालि
२१. अल स्किल्स इन्टरनेसनल ह्युमन रिसोर्सेस
२२. बिलिभेबल ओभरसिज प्रालि
२३. डी स्क्वायर्ड ग्रुप
२४. डी.डी. ह्युमन रिसोर्सेस ग्रुप प्रालि
२५. प्यारामाउन्ट एम्प्लोयमेन्ट कन्सल्टेन्सी प्रालि
मलेसियाको एफडब्लुसिएमएस पोर्टलमा रजिस्टर्ड एजेन्सी मार्फत मलेसिया जाने नेपाली श्रमिकहरूलाई २५ वटा नेपाली वैदेशिक रोजगार व्यवसायी संस्थाहरूको सूची प्रकाशित गरी सोही इजाजतपत्र प्राप्त संस्थाहरूबाट मात्र श्रमिक पठाउने गरी एकाधिकार वा सिन्डिकेट गर्न लागेको भन्ने विषयमा विभिन्न सञ्चार माध्यममा आएका समाचारहरूको सन्दर्भमा मन्त्रालयको ध्यान आकर्षण भएको छ।’
यसबारे श्रममन्त्री रामजी यादव र नेपालका लागि मलेसियाली कार्यवाहक राजदूत मोहम्मद फिरदौस अजमानसँग भेट तथा छलफल समेत भएको छ । छलफलमा श्रम आप्रवासन सम्बन्धी दुई देशका मुद्दाहरू आपसी द्विपक्षीय छलफल, परामर्श र सहमतीका आधारमा मात्र अगाडि बढाउन मन्त्री रामजी यादवले अनुरोध गरेको मन्त्रालयका सहसचिव एंव प्रवक्ता पिताम्बर घिमिरेले जानकारी दिएका छन्।
संयुक्त प्राविधिक समितिबाट यस प्रकारका विषयवस्तुहरू छलफल तथा वार्ताका माध्यमबाट टुंग्याउन सकिने विषयमा समेत सम्झदारी भएको समेत उनको भनाइ छ । यस विषयमा श्रम मन्त्रालयले परराष्ट्र मन्त्रालयमार्फत मलेसिया सरकारलाई अहिले भइरहेकै अवस्थालाई कायम राख्न पत्राचार गरिएको समेत मन्त्रालयले जनाएको छ।