२०८२ चैत ७ देखि १३ गते साताको राशिफल
२०८२ चैत्र ०७, शनिबार ।
मेषः राशिका लागि साता सफल रहने छ । पारिवारिक सुख मिल्ने छ । सामाजिक कार्यमा रुचि जाग्नुका साथै परोपकारी कार्यमा संलग्नता रहने छ । धनको क्षेत्र सबल देखिन्छ । आर्थिक लाभका साथै सेयर व्यवसाय वृद्धिदायी रहने छ । भौतिक वस्तु लाभदायी रहने छ । कृषिकर्मीका निम्ति पशुचौपायाबाट लाभ रहने छ ।
बृष : साता मिश्रित फलदायी रहने छ । सोमबारसम्म दिन कार्यदायी रहन सक्ने देखिन्छ । मङ्गलबारपछिका समय सुखद रहने छन् । नयाँ कार्य व्यवसायमा मन प्रवृत्त हुने छ । आर्थिक दृष्टिले साता मध्यम फलदायी रहने छ । लेनदेनका कार्यमा सजग रहनु उचित हुने छ । प्रेमजीवन पारखिलो रहने छ ।
मिथुन: साहसिक कार्यमा अग्रसरता रहने छ । आर्थिक दृष्टिले साता फलदायी रहने छ । व्यवसाय वृद्धिको योग देखिन्छ । पारिवारिक साथसहयोग प्राप्त हुनुका साथै सन्ततिबाट लाभ रहने छ । विद्याको क्षेत्र फलीभूत रहने छ । प्राज्ञिक क्षेत्र सबल र सफल रहने छ । वैदेशिक क्षेत्रबाट लाभको योग देखिन्छ ।
कर्कट: कर्कट राशिका लागि साता अर्थदायी रहने छ । व्यवसायमा उन्नतिका साथै आम्दानीको स्रोत वृद्धि हुने देखिन्छ । सेयर पक्ष मध्यम फलदायी रहने छ । कार्यक्षेत्रमा केही सङ्घर्षको योग देखिन्छ । बौद्धिक पक्ष मध्यम फलदायी रहने छ । अध्ययन अध्यापनकर्ताका निम्ति साता सफल रहने छ ।
सिंह: सिंह राशिका लागि यो साता फलदायी रहने छ । राजनीतिक क्षेत्र सुखद रहने छ । आर्थिक उन्नतिका साथै व्यवसायमा सफलता मिल्ने छ । पशुचौपायाको व्यवसाय उन्नत देखिन्छ । विद्याको क्षेत्र लाभप्रद रहने छ । नयाँ खोज अनुसन्धानका कार्यमा संलग्नता बढ्ने देखिन्छ । साङ्गीतिक पक्ष उन्नत रहने छ ।
कन्या: कन्या राशिका लागि साता मध्यम फलदायी रहने छ । सोमबारसम्म कार्यक्षेत्रमा अधिक परिश्रम रहन सक्ने देखिन्छ । मङ्गलबारदेखि समय सुखद बन्दै जाने छ । आर्थिक दृष्टिले जलीय वस्तुको व्यवसाय उन्नत रहने छ । सेयर लगानीकर्ताका निम्ति वाणिज्यको क्षेत्र उन्नत रहने छ ।
तुला: तुला राशिका लागि यो साता सुखद रहने छ । व्यवसाय वृद्धिका साथै लगानीको नयाँ मार्ग प्राप्त हुने छ । विद्याको भाव सबल देखिन्छ । बौद्धिक पक्ष समुन्नत रहने छ । विद्याको भाव सबल देखिन्छ । नयाँ खोज अनुसन्धानका कार्यमा संलग्नता बढ्ने देखिन्छ । पारिवारिक सुख मिल्ने छ । प्रेमपक्ष सुखद रहने छ ।
मकर: मकर राशिका लागि साता मिश्रित फलदायी रहने छ । सोमबारसम्म ग्रहबल कमजोर रहने छ । जसले कार्यमा अवरोधका साथै स्वास्थ्यमा प्रतिकूल रहन सक्ने देखिन्छ । आर्थिक पक्ष अस्थिर रहन सक्ने छ । मङ्गलबारदेखि समग्र पक्षमा सुधार हुँँदै जाने छ । परिश्रमको पूर्णतः फल प्राप्त हुने देखिन्छ ।
वृश्चिक: वृश्चिक राशिका लागि साता सबल रहने छ । लगानीका नयाँ मार्ग प्राप्त हुने छन् । बौद्धिक एवं सिर्जनात्मक कार्यमा अग्रसरता बढ्ने छ । वाणिज्यको क्षेत्र सफल रहने छ । विद्याको भाव फलप्रद रहने देखिन्छ । लेखन कार्यमा अग्रसरताका साथै अध्ययन अध्यापनका क्षेत्रमा सफलता हात पर्ने देखिन्छ ।
कुम्भ: कुम्भ राशिका लागि साता सुखद रहने छ । साहसिक कार्यमा संलग्नता बढ्ने छ । कार्यक्षेत्रमा उन्नतिका साथै कला सिर्जनाको क्षेत्र यो साता सुखद रहने छ । आर्थिक दृष्टिले साता फलीभूत रहने देखिन्छ । व्यवसाय वृद्धिका साथै लगानीका नयाँ मार्ग प्राप्त हुने छन् । धातु वस्तुबाट विशेष लाभ रहने छ ।
धनु: धनु राशिका लागि यो साता लाभदायी रहने छ । आर्थिक उन्नतिका साथै व्यवसाय वृद्धिको योग देखिन्छ । धातु वस्तुबाट लाभ रहने छ । सेयर लगानी मध्यम गतिमा अघि बढ्ने देखिन्छ । राजनीतिक क्षेत्र सुखद रहने छ । सामाजिक पदप्रतिष्ठा प्राप्तिका साथै परोपकारी कार्यमा संलग्नता बढ्ने छ ।
मीन: कार्यक्षेत्रमा उन्नतिका साथै पदप्रतिष्ठा वृद्धिको योग देखिन्छ । आर्थिक पक्ष सुखद रहने र आम्दानीका स्रोत बढ्ने छन् । वाणिज्यको क्षेत्र उन्नत र लगानीका नयाँ मार्ग मिल्ने छन् । सेयर व्यवसाय वृद्धि हुने छ । कलात्मक पक्ष सबल रहने छ । साङ्गीतिक क्षेत्रबाट लाभ रहनुका साथै यात्राको योग देखिन्छ ।
गोरखपत्र राष्ट्रिय दैनिकालागी : डा. नारायणप्रसाद निरौला
