२०८२ साउन ०४, आइतबार ।
काठमाडौँ महानगरपालिकाले शैक्षिक सत्र २०८२/८३ का लागि कक्षा ११ र १२ मा छात्रवृत्ति कोटामा अध्ययन गर्न इच्छुक विद्यार्थीका लागि लिएको प्रवेश परीक्षा शनिबार सम्पन्न भएको छ । परीक्षा मर्यादित र व्यवस्थित रूपमा सम्पन्न भएको महानगरपालिकाले जनाएको छ । परीक्षा बिहान ८ देखि १० बजेसम्म ५४ वटा परीक्षा केन्द्रमा सञ्चालन भएको थियो । महानगरको शिक्षा विभागका अनुसार देशभरका ७७ जिल्लाबाट प्राप्त १७ हजार २२९ आवेदनमध्ये १६ हजार १३७ विद्यार्थी छनोट भएका थिए । ती मध्ये १४ हजार १७३ विद्यार्थीले परीक्षामा सहभागिता जनाए । परीक्षाको उत्तरपुस्तिका ओएमआर (अप्टिकल मार्क रिडर) प्रणालीमार्फत जाँच भइरहेको महानगरपालिकाले जनाएको छ । यो प्रणालीमा मेसिनले उत्तरपुस्तिकालाई स्क्यान गरी स्वचालित रूपमा जाँच गर्छ, जसले परिणामको शुद्धता र पारदर्शिता सुनिश्चित गर्छ । सहरी योजना आयोगका सहायक विज्ञ सस्मित पो खरे लका अनुसार उत्तरपुस्तिका जाँच्ने काम सुरु भइसकेको छ र नतिजा आज आइतबार प्रकाशित गरिने छ ।
