२०८२ साउन १ गतेबाट जुनसुकै प्रथम सेवा बिन्दु तोकिएका अस्पतालबाट सेवा लिन सकिने -स्वास्थ्य बीमा बोर्ड
अनलाइन बाटै स्वास्थ्य बीमा नविकरण गर्न मिल्ने ।
२०८२ असार २३ ।
स्वास्थ्य बीमा बोर्डले बीमितलाई सेवा सहज बनाउन प्रथम सेवा विन्दु सम्बन्धी व्यवस्था परिमार्जन गरेको छ। अबदेखि बीमितहरूले बीमा दर्ताका बेला चयन गरेको एक मात्र सेवा विन्दुमा सीमित नहुने र नेपालभित्र जुनसुकै स्वास्थ्य बीमाको प्रथम सेवा बिन्दु तोकिएका सेवा प्रदायक स्वास्थ्य संस्थाबाट सेवा लिन सक्ने भएका छन्।
स्वास्थ्य बीमा ऐन, २०७४ र नियमावली, २०७५ मा भएको संशोधनअनुसार, आगामी आ.व. २०८२/८३ को प्रारम्भसँगै मिति २०८२ सालको श्रावण १ गतेदेखि यो नयाँ व्यवस्था लागू हुने छ। यस परिवर्तनले बीमितलाई आफ्नो बसोबास वा भ्रमणको क्रममा जुनसुकै ठाउँमा रहे पनि नजिकको स्वास्थ्य बीमामा सूचीकृत स्वास्थ्य संस्थाबाट सेवा लिन सक्ने भएका हुन्। यसअगाडि बीमितले बीमा गर्दा छनोट गरेको एक मात्र प्रथम सेवा विन्दुमा नै गई सेवा लिनुपर्ने बाध्यता थियो। यसले गर्दा देशका विभिन्न स्थानमा पुगेका बीमितहरूलाई सेवामा कठिनाइ हुँदै आएको थियो। निरन्तर आउने गुनासोलाई मध्येनजर गर्दै बोर्डले यो निर्णय गरेको छ। बिमाको लागि शुरुमा कुनै पनि नजिकको प्रथम सेवा बिन्दुमा जानुपर्ने र त्यसपछि मात्रै विशिष्टीकृत अस्पतालमा जान मिल्ने छ ।
अनलाइन नवीकरण सम्बन्धि थप जानकारी
कुनै बीमित परिवारमा सदस्य थपघट गर्नु परेमा अनलाईन नवीकरण अगावै आ-आफ्नो जिल्लामा रहेको स्वास्थ्य बीमा बोर्डको जिल्ला सम्पर्क कार्यालयमा प्रस्ट विवरण सहित सम्पर्क गर्नुहुन अनुरोध छ । अनलाईन नवीकरणको लागि भुक्तानी गरिसके पछि नवीकरण भएरनभएको रुजु गर्नको लागि HIB Profile app प्रयोग गर्नुहुन सम्पूर्ण बीमितहरुलाई अनुरोध छ । एक चोटी अनलाईन नविकरणको लागि भुक्तानी गरिसके पश्चात पुनः भुक्तानी गर्नु भन्दा पुर्व नवीकरण भएरनभएको तथा आ-आफ्नो खाताबाट रकम काटिएकोरनकाटिएको सुनिक्षित गर्नुहुन र भुक्तानी सम्बन्धि कुनै समस्या देखिएमा सम्बन्धित भुक्तानी प्रदायकसँग सम्पर्क गर्नुहुन अनुरोध छ ।
