काठमाण्डौमा हिजोदेखी पानी परेकोले मौसममा सुधार ।

२८ चैत्र २०८१ ।
लामो समयदेखि वर्षा नहुँदा खडेरीसँगै डढेलो, धुलो र धुवाँका कारण वायुप्रदूषण उच्च हुँदा जनजीवन प्रभावित बनेको थियो । मङ्गलबारदेखि देशका विभिन्न स्थानमा वर्षा हुँदा थोरै भए पनि वायुप्रदूषणबाट आमनागरिकले राहत पाएका छन् । आकाशबाट परेको पानीसँगै वायुमण्डलमा रहेको धुवाँ र धुलो धर्तीमा झर्ने व्रmम जारी छ । बुधबारदेखी काठमाडौँ उपत्यकामा पनि हल्का वर्षा भएको छ । ठुलो वर्षा नभएकाले बुधबार साँझसम्म पनि आकाशमा तुवाँलो कायमै देखिएको छ भने आज बिहिबार बिहानसम्म पनि पानी परेको कारणले मौसम सफा हुने छ । चैत २९ सम्म देशका विभिन्न स्थानमा हल्कादेखि मध्यम वर्षा कायम रहने मौसमविद्ले जानकारी दिएका छन । त्यस्तै कोशी, बागमती, गण्डकी, लुम्बिनी प्रदेशका पहाडी भेगमा वर्षा भएको छ । केहीबेर रोकिँदै फेरि वर्षा ह्ुने जानकारी मौसम पूर्वानुमान महाशाखाले दिएको छ । हल्कादेखि मध्यम वर्षाको व्रmम शुव्रmबार रातिसम्म कायम रहने जनाइएको छ । स्थानीय तथा पश्चिमी वायुको प्रभावले नेपालमा वर्षा गराएको हो । शनिबारदेखि बिस्तारै मौसममा सुधार हुने अनुमान महाशाखाले गरेको छ ।
पछिल्लो ६ घण्टामा सबैभन्दा धेरै मोरङमा २०० मिलिमिटर भन्दा धेरै पानी परेको छ। काठमाडौँ उपत्यका सहित देशका धेरै ठाउँमा अहिले पनि पानी परिरहेको छ पश्चिमको तुलनामा मध्य र पूर्वी भेगमा पानी केही बढी परेको मौसम पूर्वानुमान महाशाखाले जनाएको छ । हुरी र बतासको समेत सम्भावना रहेकाले सावधानी अपनाउन महाशाखाले अनुरोध गरेको छ। यसैबीच काठमाडौँ उपत्यकाको प्रदूषण केही घटे पनि अझै अस्वस्थकर अवस्थामै रहेको छ। हावाको एक्यूआई १५० भन्दा कम हुनुपर्नेमा हिजो १९० भन्दा माथी रहेको थियो ।