०९ मंसिर २०८१, काठमाण्डौ ।
स्थानिय तहको आगामी मंसिर १६ गते हुने उप चुनावको लागि सम्पूर्ण तयारी पुरा भएको छ । अब एक हप्ता बाँकी रहँदा उपचुनावका लागि आवश्यक मतपत्र छपाएको काम सकिएको छ। निर्वाचन आयोगका अनुसार दुर्गममा मतपत्र सहितका निर्वाचन सामग्री समेत पठाइसकिएको छ । जम्मा रिक्त्त रहेका ४४ पद मध्ये ३ वटा तहमा निर्विरोध गएपछि अब ४१ पदका लागि ३७६ उमेदवार मैदानमा छन् । निर्वाचन आयोगका प्रवक्ता नेता पोखरेलले निर्वाचन क्षेत्रको भौगोलिक अवस्था हेरेर मतपत्र छपाई तथा ढुवानीको काम गरिएकोमा दुर्गम क्षेत्रमा उपत्यका भित्रका लागि हिजो शनिबारसम्ममा छपाईको काम सकिएको बताउनुभयो । आयोगले समयमै मतपत्र पुर्याउने गरी टाढाका निर्वाचन क्षेत्रलाई प्राथमिकतामा राखेर मतपत्र छपाई र ढुवानी गर्दै आएको छ। मतपत्रमा निर्वाचन क्षेत्र अनुसार उम्मेदवार संख्याको आधारमा दल र स्वतन्त्र उम्मेदवारको चुनाव चिन्ह समावेश गरिएका छन् । यस निर्वाचनको लागि २५९००० हजार मतपत्र छापिएको जानकारी दिनुभयो निर्वाचन आयोगले हरेक पदका लागि छुट्टाछुट्टै मतपत्रको डिजाइन गरेको छ मतदानका लागि १६२ मतदान स्थल र २९३ मतदान केन्द्र कायम गरिएका छन् । उपचुनावमा २,२६,७९९ मतदाता रहेका छन् ।
यसै बीच आजको नयाँ पत्रिका दैनिकले काठमाडौँ महानगरपालिका १६ को वडा अध्यक्ष पदको उपचुनावमा दल र स्वतन्त्र गरी १८ जना चुनावी प्रतिस्पर्धामा रहेको र सबैका लागि यो मिनी जनमत संग्रह रहेको खबर छापेको छ झन्डै एउटा नगरपालिका जतिकै जनसंख्या र मतदाता रहेको काठमाडौंको काठमाडौं महानगरको वडा नम्बर १६ को उपचुनावका लागि जनमत संग्रहको रुपमा लिएको छ सबै दलहरुले यो विषयलाई प्रतिष्ठा समेत बनाएका छन् कांग्रेस, एमाले, राष्ट्रिय स्वतन्त्र पार्टी, एकीकृत समाजवादी लगायतका दलका उमेदवार र स्वतन्त्र उमेदवार घरदैलो कार्यक्रममा व्यस्त छन् ।
