२–० को नतिजामा अष्ट्रियालाई हराउँदै अर्जेन्टिना विश्वकपको नकआउट चरणमा प्रवेश ।

२–० को नतिजामा अष्ट्रियालाई हराउँदै अर्जेन्टिना विश्वकपको नकआउट चरणमा प्रवेश ।
२०८३ असार ०९, मंगलबार ।
अर्जेन्टिना २–० अष्ट्रिया
विश्व विजेता अर्जेन्टिनाले फिफा विश्वकप २०२६ को समूह जे अन्तर्गत सोमबार राति भएको खेलमा अस्ट्रियालाई २-० गोल अन्तरले पराजित गरेको छ । अमेरिकाको डालस स्टेडियममा भएको खेलमा अर्जेन्टिनाका कप्तान लियोनेल मेसीले २ गोल गर्दै आफ्नो टिमलाई जिताएका थियो ।
फिफा विश्वकप २०२६ मा कीर्तिमानी गोल गरेपछि अर्जेन्टिनाका कप्तान लियोनल मेस्सीले यो जित निकै संघर्षपूर्ण र कडा मिहिनेतबाट प्राप्त भएको बताएका छन् । अष्ट्रियामाथि २–० को जित निकालेर नकआउट चरणमा प्रवेश गरेपछि कप्तान मेस्सीले यो जितले अगाडिको यात्राका लागि मानसिक शान्ति दिने बताएका हुन् ।
अर्जेन्टिनाका कप्तान लियोनल मेस्सीका केही कीर्तिमानहरु
विश्वकपमा सर्वाधिक गोल — १८
सर्वाधिक खेल — लगातार छैटौं पटक विश्वकप खेल्ने पहिलो खेलाडीको कीर्तिमान
सर्वाधिक खेल जित्ने — यसअघि अल्जेरिया विरुद्धको खेल जित्दे मेसीले जर्मनीका क्लोजसँगै सर्वाधिक १७ खेल जित्ने कीर्तिमान बराबरी गरेका थिए । अब उनी विश्वकपमा सर्वाधिक १८ खेल जित्ने खेलाडी बनेका छन् ।
सर्वाधिक गोल्डेन बल जित्ने —मेसी विश्वकपमा दुई पटक गोल्डेन बल अवार्ड जित्ने एक्ला खेलाडी समेत हुन् ।
विश्वकपमा सर्वाधिक प्लेअर अफ दि म्याच अवार्ड जित्ने —मेसीले विश्वकपमा सर्वाधिक १२ प्लेअर अफ दि म्याच अवार्ड समेत जितेका छन् ।
विश्वकपमा सबै भन्दा बढी समय खेल्ने —मेसीले विश्वकपमा सबेभन्दा धेरै मिनेट पनि खेलेका छन् । उनले २ हजार ४०० भन्दा बढी मिनेट खेलेका छन् ।
विश्वकपमा सर्वाधिक चान्स क्रिएट गर्ने कीर्तिमान —विश्वकपमा सर्वाधिक ६७ चान्स क्रिएट गर्ने कीर्तिमान पनि मेसीकै नाममा छ ।