काठमाडौं कार्तिक १२ सोमबार ।
साफ महिला च्याम्पियनसिपमा भारतलाई ट्राइब्रेकरमा ४-२ ले हराउँदै नेपालि टिम फाइनलमा प्रवेश गरेको छ । १-१ को बराबरीमा खेल सकिएपछि खेलको निर्णय ट्राइब्रेकरबाट भएको थियो । ट्राइब्रेकरमा नेपालको तर्फबाट ४ गोल गरेका थिए। सुरुमा पेनाल्टी प्रहार गरेकी भारतकी कप्तान आशालतादेवीको प्रहार बारमा लागेर बाहिर गयो भने रञ्जना चानुको प्रहार नेपाली गोलकिपर अञ्जना रानामगरले बचाइन् । कप्तान एन्जिला तुम्बापोको स्थानमा अन्जना राना मगरलाई खेलको अन्तिममा किपरका रुपमा मैदान पठाइएको थियो ।
नेपालले अब उपाधिका लागि फाइनल खेल बंगलादेशसँग खेल्नेछ । आइतबार नै बंगलादेशले भुटानलाई ७-१ ले हराउँदै फाइनल प्रवेश गरेको थियो । यसअघि सन् २०२२ मा काठमाडौंमै भएको साफ वुमन्स च्याम्पियनसिपमा पनि यी दुई टोली भिडेका थिए । जहाँ नेपाललाई हराएर बंगलादेश पहिफो पटक च्याम्पियन बनेको थियो ।
