विशेष चासोको रुपमा हेरिएको सर्वोच्च अदालतको नयाँ प्रधानन्यायाधीशमा डा. मनोज शर्माको नाम सिफारिस ।
२०८३ बैशाख २५, शुक्रबार ।
हिजो बसेको संवैधानिक परिषद्को बैठकले सर्वोच्च अदालतको नयाँ प्रधानन्यायाधीशमा डा. मनोज शर्माको नाम सिफारिस गरिएको छ । न्याय परिषद्ले भावी प्रधानन्यायाधीश नियुक्तिका लागि ६ जना न्यायाधीशको नाम संवैधानिक परिषद्मा सिफारिस गरेको थियो । हाल कामु रहेकी वरिष्ठतम न्यायाधीश सपना मल्ल प्रधान, न्यायाधीशहरू कुमार रेग्मी, हरि फुयाँल, डा. मनोज शर्मा, तिलप्रसाद श्रेष्ठ र डा नहकुल सुवेदी रहेका थिए ।
शर्मा सिफारिसमा परेकामध्ये चौथो वरीयताका न्यायाधीश हुन् । हालसम्म नागरिकता र शैक्षिक प्रमाणपत्रको कैफियताका कारण संसदीय सुनुवाइ समितिबाट दीपकराज जोशी अश्वीकृत भएबाहेक प्रधान न्यायाधीशमा रोलक्रम अनुसार नै सिफारिस हुने गरेका थिए । मनोजको सिफारिससँगै यो परम्परा तोडिएको छ । डा. मनोज शर्मा पूर्वप्रधानन्यायाधीश दामोदर शर्माका भतिजा हुन् । उच्च अदालतको न्यायाधीश नियुक्त भएपछि केही समय पदमुक्त भएका थिए ।
