एयर डाइनेस्टीको नाइन एन एएचक्यु हेलिकप्टर खोटाङमा दुर्घटना ।
२०८२ चैत्र ०४, बुधबार ।
आज बिहान ११ बजेर ५१ मिनेट जाँदा एयर डाइनेस्टीको नाइन एन एएचक्यु हेलिकप्टर खोटाङको केपिलासगढी गाउँपालिका(२ मा दुर्घटना भएको छ । दुर्घटनामा कसैको पनि हताहती नभएको उनको भनाइ छ । जिल्ला प्रहरी कार्यालय खोटङका डीएसपी प्रकाश बुढाथोकीले दुर्घटना भएको बताए । उनले दुर्घटनामा काजीबहादुर राई घाइते भएको बताए । खार्तम्छा बालाबेँसीमा हेलिकप्टर अवतरणको क्रममा दुर्घटना भएको हो । हेलिकप्टरमा क्याप्टेनसहित ६ जना सवार थिए । पाइलट सविन थापा र पाँच जना यात्रु चढेको हेलिकप्टर अवतरणका क्रममा हावाको वेगले अनियन्त्रित भई भित्तामा ठोक्किएको खोटाङ प्रहरीले जानकारी दिएको छ।
‘काठमाडौंबाट कामका लागि परिवारका ५ जना आउनुभएको रहेछ,’ जिल्ला प्रहरी कार्यालय खोटाङले भनेको छ, ‘त्यसक्रममा हावाको बेगले अनियन्त्रित भइ हेलिकप्टर पल्टिएको छ।’ चालक थापासहित अरूको अवस्था सामान्य रहेको प्रहरीले जनाएको छ।
