महानगरपालिका भित्र ३ करोडभन्दा धेरैको घरजग्गा कारोबार गर्ने कम्पनीकोलागी लाइसन्स खुल्ला ।
२०८२ कार्तिक १४, शुक्रबार ।
भूमि व्यवस्था तथा अभिलेख कार्यालयले हिजो कार्तिक १३ गते एक महिना अवधि राखी लाइसेन्स खुला गरेको सूचना प्रकासित गरेको छ । विभागले लाइसेन्स लिन चाहने कम्पनीका लागि दस्तुर समेत कायम गरी लाइसेन्स खुला गरेको हो । विभागका अनुसार एक पटकमा ५ करोडसम्मको घरजग्गा कारोबार गर्ने कम्पनीका लागि ५ लाख र त्यसभन्दा धेरैको कारोबार गर्नेलाई १० लाख रुपैयाँ शुल्क तोकेको छ । सरकारले मालपोत ऐनमा जग्गा कारोबार गर्दा कम्पनी दर्ता गरेर गर्नुपर्ने व्यवस्था गरेको छ । सोही ऐनले जग्गा खरिद बिक्री हुँदाको सीमासमेत तोकिने उल्लेख छ । मालपोत ऐनको दफा २६ ‘क’ र २६ ‘ख’ को व्यवस्था थप स्पष्ट पार्दै घरजग्गा कारोबार सहज बनाइएको छ ।
