०३ चैत्र २०८१ ।
नेपाल स्टक एक्सचेन्ज (नेप्से) को प्रमुख कार्यकारी अधिकृत (सिइओ)को पदमा खुला प्रतिस्पर्धाद्वारा पदपूर्ति गर्न तीन सदस्यीय समिति गठन गरेको थियो।उक्त समितिले सूचना निकाली आवेदन माग भएपछि उक्त पदमा आवेदन दिएका १० जना मध्ये ५ जना संक्षिप्त सूचीमा छानिएका छन । उहाँहरुलाई चैत ६ गते बुधवार अन्तरवार्ता र प्रस्तुतिका लागि बोलाइएको छ। संक्षिप्त सूचीमा सर्लाहीका नारद कुमार लुइँटेल, इलामका पूर्णबहादुर आचार्य, झापाका चुडामणी चापागाई, पाल्पाका हेमन्त बस्याल र नुवाकोटका बद्रिप्रसाद प्याकुरेल परेका हुन्। अरु आवेदन दिनेमा काभ्रेपलाञ्चोकका प्रविण अधिकारी, झापाका युवराज दाहाल, पाल्पाका कृष्णबहादुर कार्की, डडेलधुरा मुकन्द राज जोशी र सिराहाका बिमल कुमार तिवारीले पनि आवेदन दिएका थिए।
