२६ पुस, काठमाडौं ।
अमेरिकी राज्य क्यालिफोर्नियाको लस एन्जलस शहरको जंगलमा फैलिएको आगोले भयानक रूप लिइरहेको छ । आगोको दायरा निरन्तर बढ्दै गइरहेको छ र यसमा कम्तिमा छ वटा वन जलिरहेका छन् । आगो निभाउन भइरहेको कामको प्रगति अनुगमन गर्न अमेरिकी राष्ट्रपति जो बाइडेनले इटालीको आफ्नो भ्रमण रद्द गरेका छन् । राष्ट्रपतिको रूपमा यो उनको अन्तिम विदेश भ्रमण थियो । आगोको भयानक ज्वालाले अब अमेरिकाको दोस्रो ठूलो शहर लस एन्जलसका लगभग सबै क्षेत्रहरूलाई ढाकेको छ । तीव्र हावा र सुख्खा मौसमका कारण राहत र उद्धार कार्यमा पनि कठिनाइ भइरहेको छ । धेरैजसो ठाउँमा आगो नियन्त्रण भन्दा बाहिर गएको छ । मंगलबार बिहान प्यासिफिक प्यालिसेड्समा जङ्गलमा आगलागी सुरु भएको थियो । यो क्षेत्र उत्तरपश्चिमी लस एन्जलसमा अवस्थित छ ।
शहरमाथि धुवाँको मुस्लो जम्मा हुन थाल्यो । अहिले यो आगो १७,२०० एकडमा फैलिएको छ र यसलाई क्यालिफोर्नियाको इतिहासमा सबैभन्दा विनाशकारी रूपमा वर्णन गरिएको छ । लस एन्जलस अग्नि विभागका प्रमुखले यस विनाशकारी आगलागीका कारण यहाँ बस्ने लगभग हरेक बासिन्दा खतरामा रहेको बताएका छन् । राष्ट्रपति बाइडेनले आगो निभाउन संलग्न अग्निनियन्त्रकहरूलाई थप स्रोतसाधन उपलब्ध गराउन अमेरिकी सेनालाई निर्देशन दिएको बताएका छन् । अमेरीका जस्तो आधुनिक साधन र स्रोतले सम्पन्न देशमा पनि आगलागीबाट मानिसहरुको मृत्यु र सयौ मानिसहरु घरबार विहिन भएका छन । त्यसबाट नेपालले पनि पाठ सिक्नु जरुरी छ ।
