०४ पौष २०८१ ।
नेपाल टेलिकमले आउदै गरेको क्रिसमस र अङ्ग्रेजी नयाँ वर्षको अवसर पारेर हालसम्म कुनै पनि अफर नल्याएको जानकारी गराएको छ । तर हिजो विभिन्न सामाजिक सञ्जालहरुमा एकाएक नेपाल टेलिकमले क्रिसमस र अङ्ग्रेजी नयाँ वर्षको अवसर पारेर पाँच हजारसम्मको नगद तथा उपहारको व्यवस्था भएको भनेर नेपाल टेलिकमको आधिकारिक लोगोसमेत प्रयोग गरी अफवाह फैलाएको उल्लेख गर्दै टेलिकमले सचेत रहन आग्रह गरेको छ । विभिन्न फेसबूक ग्रुप र म्यासेन्जरलगायतका सामाजिक सञ्जालमार्फत गलत सूचना प्रवाह भइरहेको पाइएकाले यसप्रति सचेत रहन सबैमा हार्दिक अनुरोध छ, बुधबार टेलिकमले सूचना जारी गर्दै भनेको छ ।
