दशैको दिन नजिकिदै, आज फुलपातीको दिन ।

२४ असोज, काठमाडौं ।
दशैं मनाउनुको पछाडि यसको धार्मिक पृष्ठभूमि छ। धार्मिक पक्षको पछाडि दुईवटा भनाइहरू छन्। देवी दुर्गाले सारा संसारलाई आतंकित गर्ने राक्षस महिषासुरलाई विच्छेद गरे, त्यसैले दशैं खराबमाथि राम्रोको विजयको लागि मनाइन्छ। अर्को रामायणको महाकाव्य हो, जहाँ भगवान राम (विष्णुको अवतार) ले लंकाका दुष्ट राक्षस राजा रावणमाथि विजय प्राप्त गरे। यो विजय देवी दुर्गाको आशीर्वादले मात्र सम्भव भएको थियो। तसर्थ, दशैंले दुष्टमाथि पुण्यको विजयको प्रतीक हो।
बडा दशैंको सातौं दिन आज घरघरमा शुभसाइतको प्रतीक फूलपाती भित्राइँदैछ । प्रत्येक वर्ष दुर्गा पक्षअन्तर्गत आश्विन शुक्ल सप्तमीका दिन शास्त्रीय विधिअनुसार फुलपाती भित्राउने गरिन्छ । घटस्थापनाका दिनदेखि वैदिक विधिपूर्वक दुर्गालाई आह्वान गरी पूजाआजा गरिएको दशैंघर अथवा पूजा कोठामा उखु, हलेदो, केराको बोट, धानको बाला, बेलपत्र, दारिम, जयन्ती, अशोकको फूल र मानवृक्ष भित्राउने गरिन्छ । फूलपाती भित्राएपछि नौ वटै देवीको विधिपूर्वक पूजा आराधना गरिन्छ ।