अबुधाबीमा ड्रोन खस्दा घाइते भएका ७ जना मध्ये ६ डिस्चार्ज, १ को जनाको अवस्था सामान्य ।
२०८२ चैत्र २१, शनिबार ।
नेपाली दूतावास अबुधाबीले संयुक्त अरब इमिरेट्स (यूएई) को अबुधाबीको अब्जान क्षेत्रमा ड्रोन खस्दा घाइते भएका नेपालीहरूको अवस्थाबारे जानकारी सार्वजनिक गरेको छ। दूतावासका अनुसार घाइतेमध्ये ६ जना उपचारपछि डिस्चार्ज भइसकेका छन् भने १ जनाको अवस्था सुधारउन्मुख रहेको अस्पताललाई उद्धृत गर्दै जनाएको छ।
घाइते नागरिकहरू आफ्ना परिवारसँग नियमित सम्पर्कमा रहेकाले उनीहरूको व्यक्तिगत विवरण सार्वजनिक नगरिएको दूतावासले जनाएको छ। दूतावासले सबै घाइतेसँग टेलिफोनमार्फत सम्पर्क गर्नुका साथै ४ जनासँग प्रत्यक्ष भेट गरी उनीहरूको अवस्थाबारे जानकारी लिएको । आवश्यक सहयोग तथा समन्वयका लागि दूतावास निरन्तर सक्रिय रहेको र उपचार व्यवस्थापनमा सहजीकरण गरिरहेको उल्लेख गरिएको छ। साथै, संयुक्त अरब इमिरेट्स सरकारले आवश्यक स्वास्थ्य सेवा उपलब्ध गराएको पनि जनाइएको छ।
यस घटनाका सम्बन्धमा जानकारी प्राप्त हुनासाथ आवश्यक समन्वयका लागि मन्त्रालयबाट दूतावासलाई निर्देशन दिइएको थियो । युएईका सम्बन्धित निकायहरूबाट समयमै उनीहरूलाई उचित उपचारको प्रबन्ध गरिएको थियो । राजदूतावासले उनीहरूलाई आवश्यक पर्ने कुनै पनि प्रकारको सहयोगका लागि प्रतिबद्ध र तयार रहेको जनाएको छ ।
