नाट्टा निर्वाचन: युवा व्यवसायी दिनेश मैनालीको उम्मेदवारीले बढायो उत्साह 

२०८३ साउन २१, बिहीबार ।
काठमाडौं । नेपाल एसोसिएसन अफ टुर एण्ड ट्राभल एजेन्ट्स (नाट्टा) को २५औं कार्यसमिति निर्वाचनका लागि भरत जंग पाण्डेको प्यानलबाट सदस्य पदमा दिनेश मैनालीले सशक्त उम्मेदवारी दिनुभएको छ। शुभम् ट्राभल्सका सञ्चालक तथा विगत १० वर्षदेखि पर्यटनमा क्रियाशील मैनालीको उम्मेदवारीले युवा पर्यटन व्यवसायीहरूमा नयाँ ऊर्जा सञ्चार गरेको छ।
नमोबुद्ध, काभ्रेका स्थायी बासिन्दा मैनालीले आफ्नो १० वर्षे व्यावसायिक अनुभवलाई नाट्टाको संस्थागत विकासमा लगाउने संकल्प गर्नुभएको छ। पाण्डेको प्यानलले अघि सारेको “सशक्त नाट्टा समृद्ध पर्यटन” को नारालाई सफल बनाउन मैनालीले प्रमुख भूमिका निर्वाह गर्ने देखिएको छ। देशभरका ट्राभल एजेन्सी सञ्चालकहरूसँग निकट सम्बन्ध रहेका मैनालीको उपस्थितिले निर्वाचनमा ‘भरत एण्ड टिम’ लाई निकै बलियो बनाएको विश्लेषण गरिएको छ।
यस प्यानलमा भरत जंग पाण्डे (अध्यक्ष), सुनिल शर्मा (वरिष्ठ उपाध्यक्ष), सबिता केसी भट्टराई (उपाध्यक्ष), राजकुमार देवकोटा (महासचिव) लगायतका व्यक्तित्वहरू चुनावी मैदानमा हुनुहुन्छ। अगस्ट १४ मा हुने निर्वाचनका लागि मैनालीसहितको टिमले अहिले आफ्नो चुनावी प्रचारलाई व्यापक बनाएको छ।