दक्षिण कोरियाका राष्ट्रपति यून सुक योल विरुद्धको महाभियोग प्रस्ताव असफल ।

२२ मंसिर २०८१ ।
दक्षिण कोरियाका सैन्य कानुन लगाएकोमा राष्ट्रपति योलले माफी मागे पछि अवस्था फेरिएको छ । दक्षिण कोरियाको नेशनल एसेम्बलीमा राष्ट्रपति यून सुक योल विरूद्धको महाभियोग प्रस्ताव तत्कालका लागि असफल भएको छ । उक्त विधेयक मतदान प्रक्रियाका लागि आवश्यक २०० मत आवश्यक थियो जसमा विपक्षी दलका सदस्यहरुको मत जम्मा १९२ र अरु प्रतिपक्ष सदस्यहरुको साथ आवश्यक थियो तर प्रतिपक्ष दलबाट जम्मा ३ जनाले मात्र मतदान गरे पछि महाभियोग प्रक्रिया अघि बढ्न नसक्ने सभामुखले घोषणा गरेसँगै महाभियोग प्रस्तावमाथिको प्रक्रिया रोकिएको हो ।
मंगलबार राति राष्ट्रपतिले घोषणा गरेको सैनिक शासन छ घण्टामै त्यहाँको संसद्ले उल्ट्याइदिएको थियो। त्यसपछि विपक्षी दल (डेमोक्रेयाटिक पार्टी) ले संसद्‌मा उनीविरूद्ध महाभियोगको प्रस्ताव पेश गरेका थिए । मतदान हुनुभन्दा पहिले राष्ट्रपति यूनले टेलिभिजन मार्फत् छोटो सम्बोधन गर्दै माफी मागेका थिए । ‘म एकदमै क्षमाप्रार्थी छु र स्तब्ध भएका जनताहरूसँग माफी माग्न चाहन्छु,’ उनले भनेका थिए। मतदानमा विफल रहेपछि प्रतिक्रिया दिदैँ डेमोक्रयाटिक पार्टीले राष्ट्रपतिलाई महाभियोग लगाउने प्रयास जारी राख्ने बताएको छ ।